|
||||
| На пратениците на ВМРО-ДПМНЕ власта им се заканувала со 15 години затвор |
 Полека, но сигурно се одмотува клопчето околу гласањето за уставните измени и притисоците и тортурата вршена врз опозициските пратеници со цел да го дадат својот глас за промена на Уставот и уставното име. Имено пратеникот на ВМРО-ДПМНЕ, Антонио Милошоски во своето гостување во Отвореното студио во телевизија Алфа го посочи разговорот кој го имал со еден од осумте пратеници кои го дале гласот за отворање на Уставот. Во разговор со Милошоски опозицискиот пратеник кој гласал за уставните измени му посочил дека доколку не гласа за Република Северна Македонија ќе лежи 15 години затвор, а тој го дал својот глас за да се спаси од затвор. -Пратеникот дојде и лично ни кажа. Тоа е пратеник со кој што ја сум одел во кампања, го познавам многу подобро од вас. Дојде дента и беше блед како крпа, него шест месеци го малтретираат по комбиња по затвори по притвори, носење рано на судови, праќање дома. Самиот кажа, ми рекоа дека ќе ме осудат на 15 години доколку не гласам за смена на Уставот и човекот гласа за да се спаси. |
