Интегрален текст од изјава за медиуми на Јован Јаулески, в.д Претседател на УМС на ВМРО-ДПМНЕ

Почитувани,

СДСМ ја распродава државата по сите основи. Република Македонија две години оди надолу. Неколку нерасветлени убиства откако СДСМ е на власт, а министерот за политички прогон Спасовски не презема ништо за да ги заштити граѓаните и да го гарантира јавниот ред и мир.

Црниот Заев донесе црна безпарица. Трошоците за живот се се поголеми, а платите остануваат исти. Безперспективноста кај младите расте. Ветуваа дека ќе ги вратат иселените, а сега си заминуваат и тие што останаа.

Економијата е зацрнета. Младинската невработеност е највисока во Европа. Од така наречената младинска гаранција нема ни М. Младите го завршуваат своето образование и разочарани ја напуштаат Република Македонија.

Оние кои ќе решат да останат и да се надеваат на подобро утре се гушат во црниот воздух, чија загаденост е неколкукратно поголема од нормалното, а владата за тоа не нуди мерки и решенија, бара донации од бизнисмените за работа која треба да се финансира од буџетот.

Загадувањето ќе го спречуваат со донации, а не кажуваат каде ќе одат парите од даноци. Државата стана рекордер во корупција. Граѓаните се помалку им веруваат на институциите. Давачките рапидно се зголемуваат, а со тоа се удира врз секој млад и висококвалификуван кадар кој решил да твори, работи и создава во Република Македонија. Се удира врз ИТ инженерите, младите лекари, стоматолозите итн.

Образованието е девастирано и оставено на заборавот на времето. Две години нема ниту една инвестиција. Нема нови студентски домови, нема студентски градови, нема подобар стандард за студентите, нема ништо. Има само црно црнило.