Викиликс  (WikiLeaks) мрежата која  објавува разузнувачки извештаи, хакирани електронски пошти на Американските тајни и дипломатски служби, објави извештај на Американската амбасада во Скопје дека лица од СДСМ контактирале со терористите што го приредија нападот во кумановско Диво Насеље. Според  агенцијата МИНА која цитира извори во УБК, Зоран Заев ја признал соработката на СДСМ со терористичките групации од Косово што влегоа во Диво Насеље, најавувајќи дека „Ќе има крв во Мај ако Груевски не отстапи“

Терористите нападнаа на 10ти Мај, но беа спречени од полицијата да го спроведат нивниот план за напад на јавни центри, плоштади, отворени пазари и полициски станици, на 15ти Мај, што ќе резултираше и со големи цивилни жртви.

 Во преписка помеѓу Стејт Департментот и Амбасадата на САД во Скопје,според  Викиликс стои:„Тимот БРАВО потврдува дека најмалку 20 членови (терористи, наша забелешка) влегле од Косово (Во РМ, наша забелешка), во моментот се концентрирани во ридовите околу Куманово. Иако себеси се сметаат за исламски радикали, оваа група употребува криминални и терористички методи“, се вели во преписката.

Во Стејт Департментот додаваат: „Оваа група е блиска до Харадинај во Косово, веќе има остварено комуникација со политичари во Скопје. Се сретнале најмалку два пати во Приштина. Членовите на овие радикали во Косово и Макеоднија комуницираат со политичкото движење (СДСМ) кои сакаат да ја соборат Владата“ се вели во дeпешата објавена од Викиликс.

Ден по инцидентот во Куманово, лидерот на СДСМ Зоран Заев наместо да ги посети повредените полицајци, отидеда ги посети лицата со блиски врски до УЧК (види сликата погоре) кои им помагале на терористите со логистика и информации во реално време за движењето на полицијата во реонот.

Десната рака на Заев, Захир Бекири – Чауш кој е во затвор за производство на 35.000 лажни лични карти, имал сокриено 80 панцири (се поставува прашање од каде му се)  во канцеларија на СДСМ наменети за терористите во Куманово, но никогаш не биле дистрибуирани до нив, имајќи во предвид дека полицијата имаше акција неколку дена пред терористичкиот напад.

Освен политичка поддршка, терористите имаа и медиумска поддршка за време на терористичкиот напад. Истата беше координирана, а Македонската јавност може да се потсети на „извештаите“ на ТВ Телма и порталите кои известуваа дека тоа не биле терористи туку „цивили во пижами кои се бранеле од полицијата“!

И што да се рече после гореизнесеното? Имаме обвинителство или тоа е само на хартија??? Дали дотичните што седат во Обвинителството се свесни за одговорноса што ја имаат со непревземање никакви активности за овој случај за којшто токму Американците благодарејки на Викиликс, ни ги сервираат како на тацна фактите???