Свекрва

По смената на владата на Никола Груевски, новата власт со прекумерно задолжување

По смената на владата на Никола Груевски, новата власт со прекумерно задолжување стана заложник на светските финансиски институции

Во светот на новиот светски поредок има повеќе примери како исчезнуваат земјите кои сакаа да останат независни. Лидерите на земјите кои се залагаа за независност на своите земји беа сменети со воена сила, преку економски санкции, а некои и со т.н. шарени (обоени) револуции.

По смената на владата на Никола Груевски, новата власт со прекумерно задолжување стана заложник на светските финансиски институции, така да по завршувањето на процесот против македонскиот идентитет, кој е започнат со Преспанскиот договор, Договорот со Бугарија и Законот за јазиците Македонија може да биде растурена на ист принцип и може да исчезне од светската карта.

По доаќањето на Зоран Заев на чело на владата на Македонија, земјата стана резерват во кој при отсуство на правото со низа експерименти се уништува домицилниот македонски народ. Со Преспанскиот договор, Договорот со Бугарија и Законот за употребата на јазиците, спротивно на Уставот и законите, се поставуваат услови за фадерализација и поделба на земјата помеѓу источниот и западниот сосед.

Согледувајќи дека владата на Заев со договорите и Законот за јазиците, се откажа од името, идентитетот, како и создаде услови за албанизација на македонската држава, во Софија се разбудија духовите на минатото.

По преставниците на бугарската власт ни најмалку не е за изненадување изјавата на Бугарската академија на науките (БАН) дека „македонскиот јазик не постои, зашто е писмено-регионален стандард на бугарскиот.“

Од друга страна албанските политички преставници од ДУИ бараат спроведување на законот за употреба на јазиците, со кој албанскиот треба да стане втор официјален јазик на цела територија. Тоа значи дека доколку се примени ќе му се става крај на државата.

Единствен светол зрак доаѓа од Веницијанската комисија која препорачува да се преиспита законот за јазиците и напуштање на одредбите за двојазичност во судските постапки. Според комисијата, новиот закон значително ја проширува употребата на албанскиот јазик и во многу аспекти ги надминува европските стандарди утврдени со Рамковната конвенција за заштита на националните малцинства и Европската повелба за регионални и малцински јазици.

Оваа препорака го отвара прашањето дали СДСМ ќе ја прифати препораката на Комисијата за законот за јазиците, која може да го растури политичкиот брак на СДСМ и ДУИ и тоа во пресрет на парламентарните избори, со оглед на цврстиот став на ДУИ дека законот за јазици мора да остане во употреба.

За да ги задржат фотељите, кои им се нишаат по низата решенија кои се спротивни на вољата на народот, сегашната власт сигурно нема да се осврнат на препораките на Венецијанската комисија, без разлика што да вети. Тие дојдоа со помош на албанскиот електорат и сега ќе се обидат да го изманипулираат. Но сега мнозинството од албанската заедница се свесни за штетноста на политиката на заевистите.

Наоѓајќи се во многу неблагопријатна ситуација, кога се назира губење на изборите и судски процеси, сосема сигурно е дека сегашната власт ќе бара одложување на изборите. Доколку не го добијат тоа, можни се и несодветни реакции кои можат негативно да се одразат  врз општеството. Ако тоа не успее можни се веќе испробани решенија од арсеналот на СДСМ, кој вклучува и колапс на македонското стопанство и растурање на државата.