|
|
| Потребна е итна ревизија во Фондот на холокаустот на Евреите од Македонија |
|
Потребна е итна ревизија во Фондот на холокаустот на Евреите од Македонија Незадовослтво во Фондот на холокаустот на Евреите од Македонија
Фондот на холокаустот на Евреите од Македонија (ФХЕМ) е Фондација основана во 2002 година со одлука на Влада, а врз основа на законот за денационализација на РМ. Тој е основан со цел да се овозможи преку наменска денационализација, имотите на Евреите на територијата на РМ, кои што тие ги напуштиле со присилна депортација во фашистичките логори, а не го преживеале погромот и немаат наследници, да не останат во сопственост на државата, туку тој имот да се стави во функција на трајно обележување на холокаустот на Евреите во Македонија - Учество во изградба на Македонскиот Меморијален Центар на холокаустот на Евреите од Македонија, Одржување на Центарот, управување и раководење со неговата работа и активности и др. До промена на власта во 2017 година, ФХЕМ работи согласно Статутот и Законите. Меѓутоа промените кои настануваат во Фондонт и несодветното раководење на раководниот кадар ќе предизвикаат незадоволство на вработените. Тоа ќе ескалира во ноември минатата година кога 5 вработени подложени на разни притисоци и мобинг ќе си дадат отказ. Подолг период овие вработени, меѓу кои и тројца Евреи членови на Еврејската заедница, биле изложени од надредените на перфиден притисок и омаловажувани за нивната професионалност, се со цел за сами да си поднесат отказ. Чуството на страв ќе ги замолчи поранешните вработени, кои согледувајќи ја поврзаноста на раководството со актуелната власт и немајќи доверба во политизираните правни институции на системот, без да побараат правна заштита, ќе си дадат отказ во ФХЕМ. Причината поради која биле изложени на мобинг, поранешните вработени во ФХЕМ ја гледаат во тоа што тие премногу знаат за она што се сучувало во ФХЕМ во последно време, како што се разните коруптивни зделки, но и да ги елиминираат како конкуренција, за да тие не станат дел од У.О. Според нив, со новопредложениот Статут, членовите на У.О. сакаат незаконски да го продолжат својот мандат за уште четири години и лицата кои биле претходно вработени во ФХЕМ да не можат да бидат предложени за членови на У.О. на ФХЕМ. Покрај горенаведеното, сиптоматично е тоа што иако членовите на У.О. ги избира Владата и Еврејската заедниница на РМ (ЕЗРМ), со новиот Статут на ФХЕМ се предвидува тоа да го прави посебна избрана комисија од сегашниот состав на У.О. Всушност, сето ова изгледа дека со овој статут се сака да се исклучи од одлучување Владата и Еврејската заедниница на РМ (ЕЗРМ), кои патем се основачи на ФХЕМ. Исто така, и покрај лошите резултати (лошо менаџирање со човечките ресурси и финансиите), со овој статут се сака да се заштити и Главниот извршен директор да остане вечно на таа функција. Вреботените кои заминаа во него и во дел од сегашните членови на У.О. го гледаат изворот на сите конфликти, кои има за цел да се избркаат повеќето вработени Евреи за да може несметано да владеаат додека не се исцрпат сите средства. Ваквите тенденции се гледаат од неспроведување на постапката предвидена со Законот за јавна набавка, се со цел да се испумпаат пари колку што може повеќе. Така на пример поради наводна итност се доделуваат повеќе илјади евра за одредени услуги без јавен оглас. Со таков начин на трошење на средствата, кога не се размислува на инвестирање во самоодржливост, во еден момент средствата на Фондот ќе пресушат и шесте члена на У.О. со кревање на рака ќе донесат одлука за престанок на Фондот. Македонска нација |
