Среда, 20 Март 2019    PDF Печати Е-пошта
МАНАСТИРОТ „СВ. МАЛА БОГОРОДИЦА“ ВО СЛИВНИЦА – ПРЕСПА (35)

nm1

ВО ПРЕСПА КАКО ДОМА

Објавените 35 продолженија во порталот „Македонска нација“ се дел од монографијата „Ореолот на Дева Марија и Света Богородица Слимничка во Преспа” чиј автори се д-р Вера Стојчевска-Антиќ и публицистот Славе Николовски-Катин, а е посветена на дел од вистината за Дева Марија. Во книгата е пренесен култот на Дева Марија проследен со текстови од многу книги посветени на нејзиниот живот. Оваа значајна и по многу нешта единствено дело е исто така посветено на Пресветата Дева Марија и на Слимничкиот манастир изграден во 1607 година, кој одбележа 410 години од своето постоење, како и текстови за етничка Преспа.

Инаку, автори на оваа монографија се Вера Стојчевска Антиќ и Славе Катин. Д-р Вера Антиќ е историчар на книжевноста и на книжевната теорија. Родена е во Битола на 10 август 1939 година. Основно и средно образование завршила во родниот град. Дипломирала во 1963 година на Филолошкиот факултет во Скопје, при Катедрата за историја на книжевностите на народите на СФРЈ. Во 1968 година била избрана при истиот Факултет за асистент. Во 1974 година докторирала на тема од областа на  средновековната македонска книжевност, за зборникот  „Тиквешки  ракопис“ од 15-от век. Во редовните законски периоди била избрана за доцент, потоа за вонреден и редовен професор.

 nm2

Дел од Преспанското Езеро

Вера Стојчевска Антиќ по докторирањето  била избрана за шеф на Катедрата за историја на книжевностите на народите на СФРЈ, при Филолошкиот факултет „Блаже Конески“ во Скопје. Во 1980 година била избрана како прв директор на Институтот за македонска литература, во основање, во Скопје.  Во 1988 година Вера Антиќ е избрана за проректор за меѓународна соработка при Универзитетот „Св. Кирил и Методиј “ во Скопје. Во 1989 година била гостин на Владата на САД, а потоа била избрана од САД и Р. Македонија за координатор за македонсистика во САД.

Во овој период организирала повеќе научни конференции и средби за македонистика во САД: Ен Арбор (Мичиген), Феникс (Аризона), Вашингтон, Њујорк, Њу Џерси, Торонто (Канада), Филаделфија. За целокупната дејност беше наградена од Американската славистичка асоцијација и Универзитетот Охајо со Црвена палкета за извореден успех на македонистиката во САД. Била примена во Американската славистичка социојација за прв нејзин член од Р. Македонија.

Вториот автор на оваа монографија Славе Кати, пак,  не припаѓа на политичка партија, но е голем вљубеник во својата родна Преспа, во етничка Македонија и македонскиот народ, како и во македонската дијаспора. Тој е познат на македонската и на меѓународната јавност по неговите бројни публикации, новинарски и научни трудови кои се посветени, главно на етничка Македонија и на животот на Македонците во светот. Исто така, неговата работа се однесува и на низа други аспекти поврзани со македонската дијаспора, како и со културата, литературата, јазикот, историјата, журналистиката и религијата. Тој е aвтор на педесет и пет публикации, на стотина научни трудови презентирани на различни симпозиуми и други собири, како и на преку 3.000 новинарски текстови објавени во Македонија и во светот.

 nm3

Претор

Како главен и одговорен уредник на една од престижните издавачки куќи – Книгоиздателството “Македонска искра” од Скопје, Катин несомнено постигнал видни резултати во издаваштвото, особено во учебникарството. Исто така, уредил и објавил бројни дела на македонски иселеници, асоцијации и организации во Канада, САД, Австралија и Европската Унија, потоа, книги на бројни познати и непознати автори од Македонија, како и дела од неговото творештво.

Како функционер на Владата на Република Македонија, тој бил на посети и разговори кај поглаварите на Романската, Украинската, Руската и  Српската православна црква, потоа во Цариградската патријаршија во Истанбул  и повеќе пати во Ватикан во Рим. Меѓу другото, бил и во делегацијата на Владата на Република Македонија за погребот на Мајка Тереза во Калкута, Индија.

Во неговата биографија е забележано дека бил одреден период  член на “Академијата за слобода на религијата” во Вашингтон, САД, секретар на друштвото “Македонија-Канада”, секретар на Здружението на новинарите на Македонија, бил акредитиран новинар од Македонија за “Австралиско-македонски неделник” од Мелбурн и “Меѓународна политика” од Белград. Денес  e член на „Друштвото за наука и уметност“ од Битола и е постојан член на најголемата фондација од дијаспората “Атанас Близнаков”, при Универзитетот “Св. Кирил и Методиј” во Скопје.

Бродот се движеше долж песочното крајбрежје, а ние патниците се насладувавме на убавината на овој македонски дел. Нашата дестинација беше Претор, а оттаму отидовме во Сливница, село со неповторлива убавина, убавина на која секој што потекнува од тој питом крај треба да и се навраќа.

Таму, во пазувите на Баба Планина, недалеку од Езерото, а на неколку километри од границата, се наоѓаат живописните села Долно Дупени, Наколец, Љубојно и Брајчино, а во продолжение нанижани се Штрбово, потоа Крани, Арвати и Сливница.

 nm4

Тие се дел на Долна Преспа и типични преспански, печалбарски места од кои, од голем број села под Пелистер, многумина заминале и се здомиле во САД, Канада, Австралија и во некои европски земји. Меѓутоа, одреден број иселеници чија цел за враќање е кристално чиста, доаѓаат во родните места кои ги привлекуваат со невидена сила за да воздивнат во своите стари домови, за да ги реновираат старите или да изградат нови куќи, да ги обноват спомените од младоста...

Во Долна Преспа е најубаво, највесело и најпривлечно на Илинден, на тој величествен ден на сенародниот македонски копнеж за борба и слобода, на најголемиот празник од сите празници во Македонија. Преспа со гордост го истакнува своето бурно минато исполнето со непокор и борба за опстанок. Во илинденскиот период таму се случиле бурни и драматични настани, а во текот на фашистичката окупација таа беше едно од жариштата на револуционерното движење и една од првите ослободени територии.

На Илинден, во Долна Преспа се игра и се пее, се јаде и се пие, се чувствува топло гостопримство и срдечност кај сите оние што доаѓаат да се сретнат со своите роднини, пријатели, познати. Зашто на Илинден се собираат голем број иселеници од прекуокеанските земји, од Европската Унија, преспанчани што живеат низ Македонија, голем број Македонци од Мала Преспа и од егејскиот дел на Македонија коишто живеат ширум светот, гости и иселеници од другите села, туристи и голем број повратници од Преспа и Битолско.

Од Претор со возило заминавме за Сливница, селото над кое е сместен еден од најзначајните црковно-национални споменици во Преспа и во Македониаја, црквата „Пресвета Богородица Слимничка".

Продолжува

Пишуваат: Д-Р ВЕРА СТОЈЧЕВКА-АНТИЌ и СЛАВЕ КАТИН 

 

На прво место

News image

Епа среќна нова 49та. Заеви управуваат со милијардите на граѓаните

Ане Лашкоска: Зоран Заев вчера се устоличи во Султан

Историја

News image

Грчка пропаганда во Македонија

Грчка пропаганда во Македонија

Иселеници

Култура и туризам

News image

ЕСМА РЕЏЕПОВА – ТЕОДОСИЕВСКА – КРАЛИЦАТА НА РОМСКАТА ПЕСНА (28)

ОВЕКОВЕЧЕНИ УСПЕСИ НА ЕСМА СО НАГРАДИ, ПЛАКЕТИ, ПРИЗНАНИЈА...

Фељтон

News image

ОД ПАНОНИЈА ДО ЕГЕЈ (14)

ЕОЛСКОТО ПЛЕМЕ МИНИЈЦИ

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.