Пишува Тодор ПЕТРОВ

Во пресрет на Денот на независноста - 8 Септември, потсетник за претседателот, премиерот, министрите и пратениците: На 8 септември 1991 година македонскиот народ и граѓаните на државата Македонија, на референдум, во апсолутно мнозинство, гласаа за “СУВЕРЕНА И САМОСТОЈНА ДРЖАВА МАКЕДОНИЈА“ без додавки и без придавки! Одлуката на референдумот е задолжителна за сите!

На референдумот од 1.495.807 граѓани, гласале 1.132.981 граѓани или 75,74%. Со “за“ се изјасниле 1.079.308 граѓани или 72,16% од вкупното гласачко тело, со “против“ 39.639 или 2,65%, неважечки гласачки ливчиња се 13.648 или 0,91% од гласачкото тело.

Од 1.132.981 граѓани кои гласале на референдумот, со “за“ се изјасниле 1.079.308 граѓани или 95,26%, со “против“ 39.639 граѓани или 3,50%, а неважечки беа 13.648 гласачки ливчиња или 1,20%.

Во овие резултати се пресметани и гласовите на нашите граѓани на привремена работа и престој во странство, а од нив вкупно гласале 58.126 од кои со “за“ гласале 57.327, со “против“ гласале 653, неважечки гласачки ливчиња 146.

Среќен роденден Македонијо. Биди вечна и исправена на секоја бура и невреме. Биди горда и достоинствена, слободна и независна!

Да сте живи и здрави Македонци!