Среда, 09 Јануари 2019    PDF Печати Е-пошта
Ванчо Петрушевски

Vanco PetrusevskiВанчо Петрушевски

Иван (Ванчо) Петрушевски (19. IV 1951 – 25. VIII 2018) е македонски актер. Доајенот на македонската актерска сцена својата кариера ја помина во Драмскиот театар, каде работи од 1975 до пензионирањето во 2017 година. Оставил безброј актерски остварувања. Познат уште како Рамче, тој беше уметник со посебен шарм и склоност кон комедијата. Присутен на естрадата, како и на радиото и ТВ, Ванчо беше еден од најпрепознатливите глумци на нашата сцена, кој беше неуморлив и по пензионирањето

Ванчо Петрушевски е роден на 19 април 1951 година во Скопје. По дипломирањето на Отсекот за драмски актери на Високата музичка школа во Скопје во 1975 година, се вработил во Драмскиот театар во Скопје, каде работи како актер се до своето пензионирање во 2017 година.

Талентот на Ванчо дошол до израз уште на самиот почеток на неговата кариера, во првата престава „Ослободувањето на Скопје“ од Душан Јовановиќ. Со успех настапувал во повеќе улоги во престави на домашни и странски автори.

На сцената на Драмскиот театар меѓудругото настапувал во следните престави: „Ослободувањето на Скопје“ (1978 год.), „Солунски патрдии“ (1979 год.), „Панургиј“ (1980 год.), „Сомнително лице“  (1981 год.), „Дупло дно“ (1984 год.), „Собирен центар“ (1989 год.), „Маратонците го трчаат почесниот круг“ (1994 год.), „Тетовирани души“ (2001 год.), „Хамлет од Долно Гаштани“ (2004), „Македонски рулет“ (2007) и др.. Неговите последни улоги се во претставата „Буре барут“ и „Атена со пенис“.

Исто така, учествувал и во голем број радио-драмски проекти, телевизиски драми, серии итн. Тој е еден од првите Македонци  кои настапиле во странски филм. Со секоја нова улога, преку „Диво месо“, „Солунски патрдии“, „Среќна Нова '49“, „Опстанок“, „Хихирику“ и многу други проекти, Ванчо Петрушевски  поново ја освојуваше публика.

Ванчо Петрушевски беше активен на повеќе полиња и надвор од театарот. Со неговите колеги Благој Чоревски, Ѓокица Лукаревски, Емин Унџел, Димче Мешковски, со децении работеа заедно на многу комични серии, пиеси, скечеви. Тој е еден од творците на серијата Македонски народни приказни. Многу генерации го препознаваа по ликот на Рамче.

Мајсторската глума, мимиката и комиката со која ги пленуваше гледачите, го направија не само еден од најполуларните ликови, туку го вброиа Ванчо Петрушевски во редот на исклучителните македонски актери, во колосите на македонската актерска сцена.

Ванчо Петрушевски настапувал на сцените на МНТ; НТ Штип, НТ Велес и др. За својата неуморност тој има добиено и голем број награди: Награда „Димче Трајковски“ за улогата Јаков во претставата „Дупло дно“ (1985 год.); Награда за актерско остварување на македонскиот театарски фестивал „Војдан Чернодрински“ за улогата на Јанко во претставата „Собирен центар“ (1989 год.), како и државната награда „23 Октомври“ за остварување во областа на културата и уметноста во 2016 година. Во 1987 година, Ванчо Петрушевски го доби признанието за најпопуларно ТВ лице на годината според гласовите на читателите на весникот „Вечер“, а во 1988 година, според анкетата на ревијата „Екран“ е добитник на наградата „Најдобро артистичко остварување во филмот и на телевизијата.

Ванчо Петрушевски трагично загина на 25 август 2018 година во с. Орешани

 

На прво место

News image

Никола Груевски-Ги повикувам од ОЈО да ги објават јавно доказите против мене

Политичкиот прогон против мене и против многумина од ВМРО-ДПМНЕ продолжува.

Историја

News image

Аристотел избркан од Атина зошто бил пријател на нивниот непријател Александар Македонски

Аристотел избркан од Атина зошто бил пријател на нивниот непријател Александар Македонски

Иселеници

News image

Анализа на ОМД: Од „Конечна Спогодба“ до „Failed State“ во 10 чекори

Десет причини зошто Република Македонија отстапува од си...

Култура и туризам

News image

ЕСМА РЕЏЕПОВА – ТЕОДОСИЕВСКА – КРАЛИЦАТА НА РОМСКАТА ПЕСНА (11)

ЕДЕН ДЕН СО КРАЛИЦА НА ПЕСНАТА  ЕСМА РЕЏЕПОВА – ТЕОДОСИЕВСКА - II ДЕЛ

Фељтон

News image

Александар Македонски (72)

МЕШАЊЕ НА РАЗЛИЧНИТЕ КУЛТУРИ, РЕЛИГИИ И НАЦИИ НА НАРОДИТЕ ОД ЗАПАД И ОД ИСТОК

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.