Денес на македонскиот народ во земјата му е потребна иста таква поддршка од својата дијаспора каква што ја доби во деведесеттите години кога Македонија се осамостои и кога ги правеше првите чекори како самостојна и независна држава на меѓународната сцена.

Ова е време кога македонската дијаспора треба да тргне по стапките на своите претци. Токму сега е вистинскиот момент кога нашите браќа и сестри треба да го дадат својот допринос за Македонија.

Затоа Македонците не треба да се делат, треба да се мобилизираат и да го кренат својот глас и да кажеме обединети: нема да довлолиме промена на името и идентитетот на нашата единствена држава-Македонија.

Македонците мора масовно да се мобилизираат и да излезат на протести како дома така и во дијаспората. Само така може да се изрази вистинската воља на македонскиот народ и да се спречи обезличување на нашата држава.

Затоа, мои МАКЕДОНЦИ, сите Вие драги браќа и сестри со вера во Бога, кои деведесетите години ги полневте плоштадите во Австралија, Америка, Канада, Европа и Македонија за подршка на Македонија во својата борба за самостојност, ве повикувам да се придружите кон овој

А П Е Л

-Да не ги заборавиме делата на оние пред себе!

-Божји аманет е да оставиме вредност зад себе, кога веќе ќе нè нема!

-Божји аманет е да се сака својот род и да се споделува со другите!

-Да го чувствуваш несопирливиот од Бога даден стремеж за слобода, да си свој на своето!

-Света должност на секој Македонец е да ја чува својата татковина, зошто тој нема резервна!

-Света должност на секој Македонец е да го чува македонското име, идентитет и јазик!

-Света должност на секој Македонец е да се грижи Македонија да не исчезне од картата на светот!

-Света должност на секој Македонец е да се грижи за македонскиот народ како дома така и во дијаспората!

-Света должност е да се чува аманетот на нашите претци!

Бог да ја чува Библиска Македонија, Амин!

Најавени протести за заедничка Македонија: