ВМРО-ДПМНЕ го одржа редовниот 18-ти конгрес на кој беа потврдени досегашните успешни политики, под водство на претседателот Христијан Мицкоски, кои го трасираат патот на раст и развој на државата во успешна, модерна и просперитетна Македонија.

Како носител на државноста, ВМРО-ДПМНЕ на партискиот конгрес отвори ново поглавје на политичкото делување, донесе важен документ, Стратегија 2025-2030 пропратено со нова парадигма, идеолошки кодекс на партијата и договор со граѓаните.

Тоа е визија за стабилна, продуктивна, правична и европски позиционирана држава, со економија што расте на знаење и труд, со институции што опстојуваат над политичките циклуси, со самосвесен национален идентитет, со зелен и технолошки развој, и со општество што верува во заедничката иднина.

Со усвојувањето на Стратегијата, ВМРО-ДПМНЕ создаде нешто што е повеќе од политички документи, тоа национален патоказ и рамка што ќе ја стабилизира државата, ќе ја европеизира без да ја разредува, ќе ја зајакне без да ја изолира, што ќе ја направи конкурентна без да ја изгуби својата духовна и историска вертикала.

Ова платформа не е обичен документ, туку национален договор што треба да го дефинира животот на државата и развојот на партијата во следната деценија. Тоа е рамката што ја става Македонија во европската иднина без да ја загуби својата историска вертикала, патоказ што гарантира стабилни институции, модерна економија, почитувана дипломатија и самосвесна држава.

Стратегијата овозможува да се чува и негува историското наследство на македонската државност создадена низ долг и тежок процес, затоа што Македонија може да биде европска само ако е стабилна во својата самосвест и сигурна во сопствениот идентитет.

Визијата за современа Македонија почива на јасни принципи, држава што го чува својот идентитет, што ја брани својата суверена позиција и ја гради својата европска перспектива врз основа на партнерства, реформи и достоинствено претставување.

Македонија на идните генерации значи развиена и силна економија, каде домашните компании ќе станат мотор на растот, индустрии базирани на знаење, напредни ИКТ технологии, вештачка интелигенција, дигитализација и автоматизација, предвидлива фискална политика.

Токму во оваа рамка се содржани надежта, реализмот и одговорноста што мора да ја водат политиката во следната декада, тоа е визија која треба да ја гради државата за генерацијата која доаѓа.

Македонија може и мора да биде силна, конкурентна и стабилна држава. Тоа бара работа, постојаност и политичко лидерство што не се води од дневни импулси, туку од стратешка мисла.

ВМРО-ДПМНЕ не пишува програма, ВМРО-ДПМНЕ создава договор со иднината.

1. Целосен судир со корупцијата – не само декларативно, туку институционално.

Одлуката е јасна: ќе се расчисти секоја шема, без разлика дали води кон бивши или актуелни директори, министри или локални моќници.

2. Реформирање на институциите за да станат државни, а не партиски.

-професионализација на администрацијата,

-чистење на политички поставени кадри без квалификации,

-воспоставување одговорност за секое трошење на јавни пари.

3. Национална стратегија за државност и заштита на идентитетските позиции.

Конгресот потврди дека нема повеќе импровизации, ад хок отстапки и „европска реторика“ зад која се кријат политички порази.

4. Економски пакет кој ја става Македонија на европскиот пазар, а не во европските приказни.

Економијата ја носат:

-инвестициски програми,

-евтини административни процедури,

-поддршка на домашното производство,

-инфраструктурни проекти со реални рокови.

5. Ресет на безбедносниот и правосудниот систем.

По години на партизација, следува сериозно институционално расчистување. Ова не се празни точки. Тоа е патоказ, изграден врз најсилната изборна победа во поновата историја на државата.

6. СДС – пад кој не треба да се слави, туку да се анализира за да не се повтори. Конгресот беше политички контраст на она што СДС го покажа последниве години.

-Додека ВМРО-ДПМНЕ градеше, СДС рушеше.
-Додека партијата се дисциплинираше, СДС се распаѓаше.
-Додека Мицкоски ја водеше опозицијата достоинствено, СДС владееше со криминални мрежи.

Најтешкото наследство што го остави СДС е:

-правна несигурност,

-девалвација на државните институции,

-пустош во администрацијата,

-понижени граѓани,

-економија на колена,

-држава која мора повторно да ја градиме од почеток.

Тоа е реалноста што Мицкоски и неговиот тим мора да ја исправат.
И затоа поддршката која ја доби на Конгресот не е политичко ласкање — тоа е историска обврска.

Заклучок:

Конгресот не беше крај, туку почеток, 18-от Конгрес во Кавадарци беше јасна порака: ВМРО-ДПМНЕ е подготвена да ја води државата со визија, сила и одговорност.

Нема веќе:

-политичко понижување,

-аматерски одлуки,

-криминални пазарења,

-национални порази.

Има:

-државност,

-стабилност,

-институции,

-просперитет,

-јасен пат напред.

Овој Конгрес беше најсилниот сигнал дека Македонија конечно станува своја, независна и достоинствена. Овој Конгрес беше стратешки документ, политичка карта и безбедносна процена во исто време.

Политичко-стратегиска димензија: Конгресот ја постави државата на нови темели. Конечно се дефинираше, Македонија повеќе не смее да биде држава со привремени решенија.

Последните години државата функционираше во режим на политичка импровизација:

-закони се носеа преку ноќ;

-институциите работеа без процедури;

-корупцијата беше систем, а не последица;

-безбедносните служби беа ставени во функција на партиски интереси;

-голем број директори и функционери беа поставувани без квалификации.

Конгресот означи полн прекин со овој модел.

Суштински заклучок е дека ВМРО-ДПМНЕ ќе гради стабилна држава, наместо држава која живее од политична криза до политичка криза. Најостар политички сигнал: целосно демонтирање на системот на СДС. Ова не е декларативна порака. Станува збор за: институционална лустрација на коруптивните кадри, не по логика на реваншизам, туку по логика на закон, отчетност и јавен интерес, ревизија на сите сомнителни тендери, грантови и субвенции, посебно оние поврзани со:

-енергетскиот сектор,

-набавките во здравството,

-локалните јавни претпријатија, урбанизамот,

-договорите со приватни компании блиски до поранешното раководство на СДС.

18-от Конгрес покажа дека Македонија повторно станува своја, исправена, горда и подготвена да ја врати силата што ја оставија нашите предци, за иднината на нашите деца и за државата што ја носиме во срцето.

Македонија влегува во нова епоха каде државата конечно ќе биде посилна од мафиите, институциите од партиските интереси, а народот од оние што го потценуваа седум години.