Во организација на Редакцијата на Македонскиот Телефонски Именик, на 10-ти април, во свечената сала “Conca D’Oro”, во Сиднеј, по 23-ти пат се одржа традиционалната вечер  на македонските бизнисмени и професионалци, наречена

“ Македонска трпеза“.  Покрај многубројните гости, присутен на вечерата беше и Амбасадорот на Република Македонија во Австралија Господинот Веле Трпевски, како и генералниот конзул на Република Македонија во Канбера, Господинот Драган Богдановски.

Вечерта, Редакцијата на Македонскиот Телефонски Именик ги додели највисоките признанија “ Македонско сонце“, за најдобри достигнувања во 2015 година.

Од областа на бизнисот наградата “ Македонско сонце “ за 2015 година, за натпросечни деловни резултати ја доби Госпоѓата Радка Ристевска, сопственичка на Компанијата , "Romantika Floral Designs"од Сиднеј. Покрај нив номинирани за оваа висока награда беа: Семејството Урошевски, сопстевеници на "Aleksandar's Bakery", Госодинот  Антони Петровски, сопственик на " PENSHURST AUTO ELECTRICAL SERVICES"  од Сиднеј и Господинот  Златко Јованов, сопственик на "Ciropractic health and lifestyle Centre"  .

 “Македонското сонце“ за најдобри достигнувања во општествените дејности, образованието, културата и спортот, во 2015 година, го доби Д-р Ирена Чолакова Вељанова, за  креација на улогата на Сали во драмата „Д-р Жими Мајка“, а номинирани за ова признание беа и МСД „ Битола“ од Сиднеј и ФК  Wollongong United  од Вулонгонг .

Наградата за животно дело ја доби Господинот Крсте Ѓеоргиевски од Сиднеј.

 Забавата помина во пријатна и весела македонска атмосвера. Присутните ги забавуваа музичката група “Орбити“ и пејачите од Македонија Татјана Лазаревска и Новица Василевски.

Македонскиот Телефонски Именик е книга за секој дом. Тоа е најиздавана македонска публикација во дијаспората. Македонскиот Телефонски Именик е гордост на македонската заедница во Австралија. Редакцијата на Македонскиот Телефонски Именик на сите Македонци им се заблагодарува на довербата со желби за понатамошна успешна соработка.