Среда, 02 Јануари 2013   
Кратка историја за создавањето на ВМРО-ДПМНЕ- активности во Европа и Австралија (15)
grb_vmro-dpmne_90Користење на претходните Статути на ОМК и ДООМ, кои послужија за изготвување на  ДПМНЕ и на ВМРО-ДПМНЕ

Пишува: Јанко ТОМОВ

По Втората Светска Војна, како прв Статут на македонското иселеништво во 1967 година, кој е евидентиран, односно напишан од Ослободителниот Македонски Комитет (ОМК), при што подоцна е модифициран за ДООМ се` до Статутот на ДПМНЕ, односно на ВМРО-ДПМНЕ во 1989-90 година. Да ја  погледнеме содржината на еден од првите Статути донесен на Уставотворниот Конгрес на ОКМ: Материјали и документи од 1967 година, Минхен, Германија:

Глава Прва: име, цел и карактер (членови 1 – 2);

Глава Втора: Членство (чл. 3 -  9);

Глава Трета: Устројство на ОКМ (чл. 10 – 14);

Глава Четврта: Највисоки органи на ОКМ: А. Конгрес (чл. 15 – 17), Б.Национален Совет (чл. 18 – 22);

Глава Петта: Братски судови (чл. 23);

Глава Шеста: Публикации на ОКМ (чл. 24);

Глава Седма: Финансирање на ОКМ;

Глава Осма: Сојузи и спогодби со други македонски и немакедонски организации и политички фактори (чл. 26);

Глава Деветта: Знаме, Грб и Печати (чл. 27 – 29);

Глава Десетта: Посебни правилници (чл. 30). Овој материјал е печатен на 46 страници.

Во врска со национално-политичките статии и написи на организациите на македонското движење на почетокот се запазени следните статии, прочитани од Уставотворниот Конгрес на ОКМ, со следните реферати и говори:

Сандо Христов: „Јакне и крепне македонската национална борба” (поднаслови: Политика без успеси не е политика; ОКМ во емиграцијата го постави македонското прашање на реална основа и нашата организација прерасна во вистинско национално револуционерно движење);

Миле Илиевски: „Да бидеме будни и постојано на штрек” (поднаслови: Без материјални жртви не можеме да водиме никаква борба; Борбата треба да ја пренесеме внатре во Македонија);

Мирче Богоевски (говор): „Македонци, гнасете се од новите врховисти” ;

Тодор Лепазов (говор): „Нашата организација е демократска” (поднаслови: Да бидеме борбена елита; Нашата пропаганда треба да има подлога само од вистина);

Ѓорѓи Трифунов (говор): „Ќе работиме само за една вистинска конфедерација”;

Драган Богдановски (говор): „Македонија земја на несреќи” (поднаслов: Драги браќа). Рефератите и говорите се печатени во весникот „Македонија”.

При самото ослободување од затворот во Идризово, Скопско, Драган Богдановски ги прибира своите ракописи од затворот, што скришум успеал со врски да ги даде на свои познаници и пријатели. Делови од тие пишувани документи, стигнуваа и до нас во Австралија. Така Драган, при повторното емигрирање во Шведска и Германија во пролетта 1989 година, веќе интензивно работи на Статутот и Политичката програма на ДПМНЕ.

На крајот на 1989 година, Богдановски го објавува Манифестот до македонскиот народ: „Демократска Партија за Македонско Национално Единство - М а н и ф е с т до македонскиот народ” - Македонски народе!

Понатаму, Драган пишува: „Ти не си сам македонски народе! Со тебе е Демократската Партија за Македонско Национално Единство, произлезена од Македонското Револуционерно Движење, кое во себе го носи бесмртниот дедовски илинденски идеал”.

dragan-bogdanovski-manifest

При формирањето на Координативниот Совет на ДПМНЕ за дијаспората, во кој Драган Богдановски го поставил Панко Стамкоски за потпретседател за Австралија и Јонче Трајчевски за член, обајцата од Мелбурн, а исто така и Јанко Томов за член од Перт, Западна Австралија.

Михаил Шариновски - Солунски и Крсто Шкодров не го прифаќаат предлогот на Драган, да бидат дел од членството, а го препорачуваат Јанко Томов за раководител на ДПМНЕ за Западна Австралија и член на Координативниот Совет за Австралија. Михаил Шариновски – Солунски, се чувствува навреден од Драган, затоа што Драган не го поставил за потпретседател, бидејќи бил долгогодишен претседател на ДООМ и уредник на „Македонска нација”, од времето на затварањето на Драган во 1977 година до формирањето на НОФМ (види во книгата: “Поткрепа од убавиот Перт” од Јанко Томов, 2000 година, Бризбен, Австралија).

Во едно писмо на Јанко Томов до Драган Богдановски од 20 мај 1990 година, се спомнуваат неколку поглавја на пообемниот материјал: „Замислата и концептот за функционирањето на ДПМНЕ во дијаспората”. Во тој материјал, Томов му предлага на Богдановски, ограноците на ДПМНЕ во дијаспората да бидат со свои раководства како членки на Политички Комитет на ДПМНЕ во склоп на Координативните Комитети по континентите:

1. Политички Комитет на ДПМНЕ од Западна Австралија, Нов Јужен Велс, Викторија, Јужна Австралија. Тие Политички Комитети да бидат под водство на:

2.  Австралиски Координативен Комитет на ДПМНЕ.

3. Политички Комитет на ДПМНЕ за Шведска, Австрија, Германија, Белгија, Холандија и Франција под водство на:

4.  Европски Координативен Комитет на ДПМНЕ.

5. Политички Комитет на ДПМНЕ за Егејскиот дел на Македонија, Пиринскиот дел на Македонија и македонскиот дел во Албанија, под водство на:

6.  Македонски Координативен Комитет на ДПМНЕ.

Сите спомнати Координативни Комитети по континентите да бидат во контакт и соработка со:

7.  Обединет Македонски Комитет на ДПМНЕ.

П р о д о л ж у в а
 

На прво место

News image

За прв пат во историјата на самостојна Македонија, ЖЕНА ќе биде Претседателка на Македонија

Професорката Гордана Силјановска Давкова ги има сите адути да биде идната мајка на нацијата....

Историја

News image

Наредба на Тодор Александров од 22 август 1922 година

Помошната организација во тие краеви, како и македонската рев. Организација е самостојна и непартиск...

Иселеници

News image

ГЕОРГИ (ЏОРЏ) ТОМОВ КАКО ИГРАОРЕЦ, КОРЕОГРАФ, ВАЈАР... 15)

ДЕЛ ОД МОНОГРАФИЈАТА „ТОМОВ“  НА СЛАВЕ КАТИН

Култура и туризам

News image

СИНИША СТАНКОВИЌ – ПОЧЕСЕН ДОКТОР НА УНИВЕРЗИТЕТОТ „СВ. КИРИЛ И МЕТОДИЈ“ ВО СКОПЈЕ (10)

Д-р Милка Пљакиќ долгогодишен асистент на Станковиќ, познат биолог и научен работник, за професорот ...

Фељтон

News image

ЗГАСНА СРЦЕТО НА ГОЛЕМИОТ ДОНАТОР И ХУМАНИСТ АТАНАС БЛИЗНАКОВ – (ДЕЛ I) (21)

ДЕЛ ОД ЖИВОТОТ НА АТАНАС БЛИЗНАЈОВ ВО МОНОГРАФИИТЕ НА СЛАВЕ КАТИН

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.