Успешна Традиција

Во организација на Македонскиот Просветно Училишен Одбор на НЈВ, во Сиднеј по шести  пат се одржа Натпреварот по рецитирање на македонски јазик за учениците од основните училишта. И оваа година, традиционално, домаќин беше Основното училиште во Карлтон.

Преку сто и седумдесет ученици од македонско потекло рецитираа на чист македонски јазик. Одлично подготвени учениците се трудеа што поубаво да ја изрецитираат својата стихотворба.

Рецитирањето е древна македонска вештина, која се негува во училиштата на македонски јазик во НЈВ. Оваа вештина им овозможува на учениците да ја зголемат својата самодоверба, својата меморија или памтењето, а истовремено и да го надминат стравот од зборување пред други луѓе.

Сите ученици заслужуваат пофалба за вложениот труд, честитки и до вредните наставници кои ги подготвија учениците, а особена пофалба заслужуваата грижливите  родители кои најдоа време и во сабота ги донесоа децата на Натпреварот.

Жири комисијата во состав: Иван Трпоски-поет и хроничар, Кире Пашовски–долгогодишен активист и Славица Ристеска–професорка по македонски јазик во СЦ Когра, потврдија дека сите деца заслужуваат пофалба за својот труд, но одлучија оваа година наградите да ги добијат:

Од забавиште

Милена Стојковска од Carlton PS

Stage 1 (6-8 год.)

1. Кристина Савеска  од  Yagoona PS

2. Тијана Петровска од Carlton PS

3. Никола Петковски од Bankstown  PS

Stage 2 (8-10 год.)

1. Дамјан Димовски од „Филип II“ Peakhurst
2. Костадин Игески  од  MEU „Никола Карев“ Bonnyrigg

3. Тијана Паревска од МЕОU „11-ти Октомври“ Yagoona

Stage 3: (11-13 год.)

1. Алексеј Кочовски  од  „Климент Охридски“ Rockdale

2. Филип Трифуновски од Carlton PS

3. Христијан Спировски  од „Кирил и Методиј“  Shellharbour”

4. Дамјан Стевановски  од „Браќа Миладиновци“ Manly Village