Министерот за социјална политика и младина Ерион Велиај, оствари средба со делегација на преставници на македонското, ромското, српско-црногорскоти, влашкото, бошњачкото и египтјанското малцинство.

На средбата се разговараше за повеќе прашања поврзани со правата на малцинствата во Албанија, како непостоењето на закон за малцинствата со кој би се регулирало признавањето на сите малцинства и на целата територија на Република Албанија, реогранизација на Државниот комитет за малцинствата и негова функционалност и др.

Претставниците на малцинствата се заблагодарија на министерот Велиај за средбата, бидејќи е прв министер од новата албанска влада кој прима делегација на малцинствата пренесува весникот Македониум.

Од негова страна министерот Велија истакна дека почесто ќе се среќава со претставници на малцинствата со што би се решавале проблемите на малцинствата и дека ќе разговара со премиерот Еди Рама за покренатите прашања, посебно за реорганизација на Државниот комитет за малцинствата и разгледување на можноста да овој комитет помине под ингеренции на министерството за социјална политика и младина. На средбата како претставник од македонското малцинство учествуваше Васил Стерјовски.

Македониум