СЛАВЕ НИКОЛОВСКИ – КАТИН

(ДЕЛ ОД КНИГАТА „СВЕТОТ  НА  ДЛАНКА“)

ИНДИЈА – ЗЕМЈАТА НА СКОПЈАНКАТА МАЈКА ТЕРЕЗА

Индија е земја која кај намерникот буди и возбуда и потрага по непознатото и љубопитство и предизвик да се види што поодблизу, да се почувствува што повеќе нејзината пулсација. За љубителите на умет­но­с­та таа е трезор на древните храмови; за ет­но­ло­зите таа е земја во која се вкрстуваат повеќе религии и кул­тури, во чуден спој, виден само во Индија; за ис­то­ричарите и статистичарите таа е втора најнаселена земја во светот.

Според големиот број пишани материјали кои ги прочитавме при нашата посета, дознавме дека Индија  е држава лоцирана во Јужна Азија и го зафаќа поголемиот дел од индискиот потконтинент, опфаќајќи многу значајни и историски трговски рути. Со крајбрежје од преку 7.000 километри, Индија дели граници со Пакистан, Народна Република Кина, Мјанмар, Бангладеш, Непал, Бутан и Авганистан. Шри Ланка, Малдивите и Индонезија се одделни островски нации. Индија е втора земја по број на жители во светот и седма по географска големина чиј главен град е Њу Делхи.

Како дом на прастарата цивилизација на индиската долина и област на историските трговски патишта и пространи империи, индискиот потконтинент бил идентификуван со своите комерцијални и културни богатства во поголемиот дел од својата долга историја. Четири од главните религии во светот: хиндуизмот, будизмот, џаинизмот и сикизмот, потекнуваат од тука, додека зороастризмoт, јудаизмот, христијанството и исламот, пристигнале на тие простори во првиот милениум пред нашата ера и го оформиле регионот на разновидни култури. Постепено, припиена од страна на Британската-источноиндиска компанија од почетокот на XVIIIвек била колонизирана од страна на Велика Британија восредината на XIX век. Индија станува независна држава во 1947 година, по борбата за независност која била одбележана како ненасилен отпор предводен од Махатма Ганди.

Индија е федерална уставна република со парламентарна демократија што се состои од 28 држави и унија на седум територии. Составена е од плуралистичко, повеќе јазично и мултиетничко општество, Индија, исто така, е дом на разновиден жив свет во најразлични заштитени животни средини. Индиската економија е единаесетта по големина светска економија и четврта по големина од паритетот на куповната моќ. Од воведувањето на пазарната економија и економските реформи во 1991 година, економијата на Индија станува една од брзо растечките економии во светот, но, сепак, земјата продолжува да се соочува со сиромаштијата, неписменоста, корупцијата и предизвиците поврзани со јавното здравство. Индија е класифицирана како една од ново индустријализираните земји. Таа е шеста држава во светот „де факто“  држава со нуклеарно оружје и е трета по големина вооружена сила во светот, а нејзините воени трошоци се рангирани на десеттото место во светот. Индија е регионална сила во Јужна Азија.

Оваа земја имала значајна улога во историјата на светот, бидејќи била место каде што се развивале четирите најголеми стари цивилизации кои биле центри на трговијата и големата владетелност. Во Индија се развивале три големи религии: будизам, ламаизам и хиндуизам, а и исламот оставил неизбришлива трага. Цртежите од каменото време сведочат за постоењето на Индијците. Остатоците од првите населби во Индија се стари 9.000 години, а луѓето најчесто се населувале по долините на реките Инд и Ганг поради поволните услови за живот. Оваа земја имала неколку владетели кои биле од различни религии и на различен начин придонесувале за нејзиниот развиток.

Индија е држава која се протега на југ од Хи­малаите, преку рамничарскиот дел на Индискиот По­луостров, до Индискиот Океан, а на исток од Ара­бис­кото Море до Бенгалскиот Залив и реката Ганг. Ин­­дија е земја на монсунските дождови, на старата ци­­вилизација, земја на богатството и, конечно, на нај­­сиромашните на планетата Земја.

Првите староседелци биле Дравидите кои жи­­вееле од IV до VI век пред Исус Христос, потоа од север дошло племето Аријци, кое со Дравидите војувале повеќе од илјада години, до нивниот пораз. За оваа вековна нетрпеливост и омраза меѓу овие два народа се напишани многу легенди, особено во ари­ев­ските верски книги, а подоцна и во Ма­ха­бха­рата и Рамајана, светски познатите дела на сан­скрит­ски јазик.

Индија има бурна историја, почнувајќи од пред на­шата ера до денешни дни. Богатството на Ин­дија како што е зачинот, златото, слоновата коска и скапоцените камења, привлекувало голем број  ос­војувачи уште од древни времиња. Еден од нив бил персискиот цар Дариј I, кој успеал да ја покори Индија и да го формира држава која ја нарекол Пенџаб.

Слонот – симболот на Индиците

Продолжува