Александар Македонски Џеповски

Со децении ни се повторува една иста реченица, како мантра што не смее да се доведе во прашање: „Турците владееле 500 години.“

Но секој народ што се почитува себеси има обврска да праша, дали тоа навистина било така?

Македонија не е рамница што се освојува со еден марш. Таа е земја на планини, клисури, котлини, реки и непроодни премини. Земја што и денес е тешка за целосна контрола, а камоли во 14, 15 или 16 век. Земја што отсекогаш живеела со силни локални заедници, сопствен ред, обичај и отпор.

Во средниот век, „владеење“ не значело целосна контрола, туку често само формално признавање и повремено собирање даноци. Немало држава како денешната, немало институции во секое село, немало постојана власт во секој агол. Затоа е историски неточно и опасно поедноставувањето дека еден народ бил „пет века под целосна власт“.

Ако дури и Александар Македонски, најголемиот освојувач во историјата, морал лично да биде присутен од Пела до Индија за да ја одржи својата империја, тогаш како некој очекува да поверуваме дека со тогашната технологија, логистика и комуникации било возможно континуирано владеење со Македонија пет столетија?

Македонскиот народ не исчезнал. Не бил избришан. Не се стопил. Јазикот преживеал, обичаите опстанале, името се носело во срцето и кога не смеело јавно да се изговори. Тоа не е народ што бил „покорен“, туку народ што опстојувал.

Историјата што ни е сервирана често е историја напишана од моќните, од империите, од победниците. Но македонската историја не живее само во книгите, таа живее во народната песна, во зборот што се пренесувал од колено на колено, во отпорот што никогаш не згаснал.

Затоа не е непочитување да се преиспитува историјата. Напротив тоа е патриотска должност. Да не прифаќаме слепо, да не повторуваме научени фрази, туку да размислуваме со сопствена глава.

Време е да престанеме да ја учиме историјата како пресуда и да почнеме да ја читаме како борба. Зашто народ што преживеал сѐ не може да биде народ што „пет века бил без свој глас“.

КАКО И ДА РЕЧЕТЕ ЕДНО Е 100 % СИГУРНО ДЕКА СЕ ТЕЧЕ, СЕ СЕ МЕНУВА САМО ЕДЕН Е ГОСПОД И ТОЈ ОСТАНУВА А ВОЕДНО ЌЕ НИ ГИ ИЗБРИСТИ ГЛАВИТЕ ОД ЛАГИТЕ И ФАЛСИФИКАТ ИСТОРИИ КОИ СЕ ВО РАЦЕ НА ГЛОБАЛИСТИТЕ ДЕНЕШНИ.

АМИН !!!