Вашингтон - 23 јуни 2024 година

– Обединетата Mакедонска Дијаспора (ОМД), водечкиот глас за Македонците кои живеат во странство, упатува срдечни честитки за формирањето на новата Македонска Влада под водство на Христијан Мицкоски како нов Премиер на Република Македонија. Овој важен политички развој означува ново поглавје во патувањето на Македонија кон поголем просперитет, стабилност и интеграција во Југоисточна Европа и меѓународната заедница.

Грев ли е борбата повторно да освоиме простор кој минатата влада го предаде со штетните договори, изјави премиерот и претседателот на ВМРО-ДПМНЕ, Христијан Мицкоски  за „Анализа“ на ТВ24 при што потенцираше дека темата со придавката е затворена.

Мицкоски: На граѓаните им е потребен фокус на реалните проблеми- ветуваме макотрпна работа затоа што ова ќе биде влада на народот

„На Македонија не и е потребен рестарт, на Македонија и е потребно фабричко ресетирање. 7 години граѓаните на Македонија го чекаа денешниот ден, овој свечен чин по кој официјално стартува Влада која има историска поддршка од граѓаните, Влада со легитимитет, Влада која точно знае што треба да направи, Влада составена со професионални и чесни кадри. Влада со прецизна програма и со волја за реализација”, истакна пратеничката Ели Панова на денешната собраниска седница.

Мисајловски: Ќе го вратиме достоинството на Армијата - ветувам инвестиции во објектите, нова опрема, поголеми плати и подобри услови за работа

„За прв пат после 10 избори и реконструкции на влади во изминативе 7 години имам можност и чест да зборувам за предлог за Влада и нејзина програма. Одговорноста е една од најбитните компоненти за една личност, за еден народ, за една држава и особено за една власт. Одговорноста значи внимателност, посветеност, сериозност, професионалност, транспарентност, комуникативност, седнување на маса, слушање критики, прифаќање предлози”, истакна пратеничката Дафина Стојаноска на денешната собраниска седница.

Мизрахи: Граѓаните покажаа и докажаа дека со нив не се игра, особено „ол ин“ што го правеше самозамислената елита во заминување од Илинденска

Пренџов: Денес е голем ден за Македонија затоа што после 2008 година прв пат имаме целосна промена на власта и кланот Заеви и ДУИ-инг бизнис заминуваат во историјата

„Имаме неповторлива шанса да покажеме што можеме да направиме за Македонија, да покажеме дека државата не се сака само со зборови, туку со дела, добри дела кои траат вечно. Верувајте дека народот знаее да го цени тоа и да го награди. Нема да претерам ако речам дека оваа шанса која ви се укажува е можеби последната шанса Македонија да се избави од магичниот круг на транзицијата и да трне по патот кон просперитетот и стандардите кои владеат во Европа. Таа шанса и доверба ви е дадена и нема да ја изневериме. Да, тешко ќе биде. Да, ќе бара од вас , од нас, многу откажувања од конфорот и ќе има работа и не смееме да се откажуваме”, истакна пратеникот од ВМРО-ДПМНЕ Ѓорѓија Сајкоски на денешната собраниска седница.

Македонија е пред нов почеток, пред нова можност за напредок и за развој. Убедливата победа на ВМРО-ДПМНЕ на изборите не значи само промена на досегашната неспособно и неодговорна на влада на ДУИ и СДСМ, проследени со бројни криминални скандали и афери, туку значи комплетно нов начин на управување, целосно ресетирање на системот и конечно воспоставување на правната држава и владеењето на правото, вели пратеникот и член на Извршниот комитет на ВМРО-ДПМНЕ, Драган Ковачки во својот говор во македонското Собрание на седницата за избор на идната влада.