Среда, 18 Октомври 2023    PDF Печати Е-пошта
Лазар Кунгалов

1por5

Лазар Кунгалов (15. X 1884 – 15. IV 1970)  е македонски револуционер, деец и војвода на Македонската револуционерна организација. Тој е учесник во Илинденското востание. Со Радовски биле телохранители на Сандански, а Кунгалов бил  и чувар и готвач на Сандански во Роженскиот манастир, блиска и доверлива личност во последниот период од неговиот живот.

Лазар Кунгалов е роден на 15 октомври 1884 година во селото Радово, Серско, Егејскиот дел на Македонија. Тој бил член на Македонската револуционерна организација и со братучедот Тома Радовски организирал мала чета која дејствувала покрај реката Струма. Нивната цел била да соберат оружје и пари за организацијата. Лазар Кунгалов бил учесник во Илинденското востание.

Заедно со Радовски биле по ранг еднакви со војводите под водство на Јане Сандански. Тие биле негови телохранители, а Кунгалов бил и чувар и готвач на Сандански во Роженскиот манастир. Тој бил блиска и доверлива личност во последниот период од животот на Сандански.

Во 1915 година, по враќањето во Роженскиот манастир од селото Врања, Јане Сандански добил 2 телеграми од Петрич и Неврокоп: Во овие пораки испратени од непријателите се барало да оди во врска со решавање на некое прашање. Истовремено на двата правци биле поставени заседи. Кога Сандански тргнал со неговите телохранители, една кобила тврдоглаво одбила да се движи иако била многу послушна. Јане, кој верувал во предзнаци, одбил Тома и Лазар да го придружуваат и заминал за Неврокоп верувајќи дека „ќе се случи, тоа што треба да се случи“.

На 22 април 1915 година, Јане Сандански бил убиен кај месноста Блатата. Неговиот телохранител Лазар Кунгалов организирал заедно со Георги Хазнатарски, Тома Радовски и Никола Киримов, познат како Гоцето поради неговата блискост со Гоце Делчев, пренесување на телото на убиениот Јане Сандански од месноста Блатата.

За време на Балканските војна, Лазар Кунгалов учествувал во четите кои делувале на територијата на Серскиот револуционерен округ, а за време на Првата светска војна бил во редовите на бугарската армија, служејќи во 6-от пешадиски полк на 11-та македонска дивизија.

По војната тој бил во четата на војводата Алеко Василев. Во 1922 година, како подвојвода и готвач, со четата учествувал во Неврокопските настани. Во 1923 година ја предводел четата како војвода по битката со грчката војска кај селото Бурсук, Серско. Тогаш војводата Тома Радовски бил тешко ранет во двете нозе, а Лазар Кунгалов ја презел одговорноста како војвода и организирал повлекување на четата во Бугарија. Во 1924 година и Кунгалов се населил во селото Чучулигово, Пиринска Македонија, каде веќе били преселено неговото семејство.

Во 1935 година во рамките на мерките против македонските револуционери Лазар Великов Кунгалов, Иван Томов Радовски и Христо Ташев. биле уапсени и затворени во централниот затвор во Софија. Лазар добил 5 години затвор, а Иван и Христо биле во затвор до државниот удар на 9 септември 1944 година.

Лазар Кунгалов починал на 15 април 1970 година во село Чучулигово.

Подготвил: Т.К.

 

На прво место

News image

За прв пат во историјата на самостојна Македонија, ЖЕНА ќе биде Претседателка на Македонија

Професорката Гордана Силјановска Давкова ги има сите адути да биде идната мајка на нацијата....

Историја

News image

Наредба на Тодор Александров од 22 август 1922 година

Помошната организација во тие краеви, како и македонската рев. Организација е самостојна и непартиск...

Иселеници

News image

ГЕОРГИ (ЏОРЏ) ТОМОВ КАКО ИГРАОРЕЦ, КОРЕОГРАФ, ВАЈАР... 15)

ДЕЛ ОД МОНОГРАФИЈАТА „ТОМОВ“  НА СЛАВЕ КАТИН

Култура и туризам

News image

СИНИША СТАНКОВИЌ – ПОЧЕСЕН ДОКТОР НА УНИВЕРЗИТЕТОТ „СВ. КИРИЛ И МЕТОДИЈ“ ВО СКОПЈЕ (10)

Д-р Милка Пљакиќ долгогодишен асистент на Станковиќ, познат биолог и научен работник, за професорот ...

Фељтон

News image

ЗГАСНА СРЦЕТО НА ГОЛЕМИОТ ДОНАТОР И ХУМАНИСТ АТАНАС БЛИЗНАКОВ – (ДЕЛ I) (21)

ДЕЛ ОД ЖИВОТОТ НА АТАНАС БЛИЗНАЈОВ ВО МОНОГРАФИИТЕ НА СЛАВЕ КАТИН

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.