|
||||
| Кирил Манчевски |
|
„Девојче тенко, високо“, „Изникнало криво крушче медено“, „Кога си тргнав в туѓина“, „Лино моме Севдалино“, „Ајде сонце зајде“, „Абер дојде Донке“, „Бог да убие дебрани“, „Запеј песна Македонко“, и многу други. Кирил Манчевски е роден на 8 ноември 1936 година во селото Броштица, Дебарско. Израснат во виорот на Втората светска војна и обновата на земјата, новиот општествен поредок од него ќе создаде металски работник. Меѓутоа, песната ќе биде негов животен сопатник. Во својот краток но плоден живот тој целосно и се посветува на народната песна. Неговиот музички талент е откриен во педесетите години на XX век. Но, во шеесетите и седумдесетите години, доаѓа до полн израз неговиот талент и музичката зрелост. Тогаш како вистински професионалец, ги остварил најдобрите изведби на низа познати македонски песни. Во овој период, Кирил Манчевски ги пее македонските музички бисери. Гостувајќи со разни македонски фолклорни ансамбли, тој пред домашната и светската јавност ги презентира едни од најубавите песни на богатата македонска фолклорна музичка ризница. Во неговиот репертоар доминантно место имаат градските, лирските, печалбарските, патриотските и други песни. Легендата на македонската народна музика Кирил Манчевски во текот на својата кариера изгради единствен интерпретаторски стил кој исполнет со лиризам, широки и богати мелизми, издржани каденци и препознатливи прецизни мелодиски орнаменти. Неговиот префинет неповторлив глас, преполн со емоции, едноставно го хипнотизира слушателот, а неговите лирични експресивно обликувани рубато песни кои кон крајот се стопуваат со тишината како да преставуваат јавна молитва на македонскиот народ. Кирил Манчевски настапува како солист или во дует, особено со Виолета Томовска. Тој ги остварил антологиските изведби на низа познати песни, како што се: „Девојче тенко, високо“, „Изникнало криво крушче медено“, „Кога си тргнав в туѓина“, „Лино моме Севдалино“, „Ајде сонце зајде“, „Абер дојде Донке“, „Бог да убие дебрани“, Јано мори, Јано леле севдалино“, „Запеј песна Македонко“ и многу други. Кирил Манчевски во едно чуствително време знае силно да ги изрази своите патриотски чуства. Тој пее за разделените браќа и сестри со граници, за поделената македонска земја. Во песната „Запеј песна Македонко“, тој ги повикува Македонците од сите три дела да се обединат: „Запеј песна Македонко, Кирил како човек бил едноставен, скромен и искрен човек, кој преку песната ја отвори својата благородна душа за пошироката јавност. Преку песната тој допираше до сечие срце, ја пренесуваше вечната тајна на македонскиот народ и никого не го оставаше равнодушен. Денес неговите музички бисери, неговите антологиски песни го имаат истиот ефект врз слушателот како и пред речиси четири децении. По долго и тешко боледување, Кирил Манчевски умира релативно млад. Во четвртата деценија од својот живот, Кирил почина на 8 август 1975 година во Скопје. Кирил ќе остане запишан како еден од великаните на градската, лирска и елегична Македонска народна песна. |
Кирил Манчевски (8. XI 1936 - 8.VIII 1975) е македонски пејач, еден од великаните на градската, лирска и елегична народна песна. Настапува како солист и во дует, особено со Виолета Томовска. Активен во шеесеттите и во почетокот на седумдесеттите години од XX век, тој ги остварил антологиските изведби на познатите песни:
