СДСМ да ги тргне розевите наочари, економската слика во државата е очајна

Соопштение до јавноста - реакција на прес конференцијата на Јагода Шахпаска

Време е СДСМ да ги тргне розевите наочари. Економската слика во државата е очајна. Наместо инвестиции и напредок, државата се повеќе тоне. Во 2018 година имаме пораст на трошоците за живот, но и на цените на мало, секој ден животот е се поскап, а граѓаните се посиромашни.

Власта го забрза иселувањето, наместо враќање на иселените како што ветувааше, ја стимулираа емиграцијата од земјата.

Додека СДСМ се фали со бројки на хартија, граѓаните се повеќе тонат, државата е завиена во црнила.

Младинската гаранција со која се фалеа во текот на изборите испадна една голема лага. Од проект кој ќе понуди вработување, дообучување или практиканство за сите млади по нивното завршување се претвори во обична лага.

Младите се најголема жртва на оваа власт. Нема подобрување на условите за младите, а условите за студирање никогаш не биле полоши. Инвестиции во образованието нема, додека животот во студентските домови се сведува на преживување.

СДСМ нанесе само штета врз државата и граѓаните. СДСМ мора да си замине. Потребни се итни и неодложни парламентарни избори заедно со претседателските.

ВМРО-ДПМНЕ