Пишува Тодор ПЕТРОВ

ЗАРАДИ КРШЕЊЕ НА ЕМБАРГОТО КОН СРБИЈА, МАКЕДОНИЈА НЕ ДОБИ НИКАКВА ОШТЕТА ОД ОБЕДИНЕТИТЕ НАЦИИ! ЕВЕ И ЗОШТО...

Југославија, Хрватска и Босна беа под ембарго за увоз на оружје скоро деценија во деведесеттите години. Ембаргото беше симнато во неколку фази по потпишувањето на Дејтонскиот мировен договор во 1995 година. Но, во 1998 година Обединетите нации повторно ставија ембарго врз Југославија, поради борбите на Косово.

Во објавените документи на ЦИА од 1995 година, се обработува кршењето на ембаргото кон СР Југославија, во делот посветен на Македонија. Во документите пишува како власта од тогашната СДСМ на чело со своите врвни функционери земала мито за кршењето на ембаргото.

Тоа беше јавна тајна!

“Македонскиот министер за надворешни работи, му призна на шефот на мисијата на САД во Скопје, дека неговата држава не може да применува строги санкции кон Србија. Врвни македонски функционери вклучувајќи ги премиерот Бранко Црвенковски, министерот за финансии Јане Миљовски и министерот за транспорт Димитар Бузлевски, добиваат мито за обезбедување на лажни документи и документи за транспорт“, - пишува во извештајот.

Ова е официјална потврда на ЦИА за криминалот што го правеа високи функционери на СДСМ во тоа време.

Извештајот открива и како функционирала шемата.

“Многу македонски фирми користат лажни документи за да и помогнат на Србија да ги избегне санкциите, пишувајќи се себе како краен импортер на стоките, во принцип наменети за Србија и како извор на извозот кој е од Србија. За паричен надомест, овие фирми се задолжени за подготовка на документите, складирање и транспорт на стоката”, - пишува во извештајот.

Документите потврдуваат дека шверцот бил од енормни размери. Во прашање беа милијарди и милијарди... Илјадници композиции вагони со нафта и цистерни, заминуваа од Македонија кон Србија. Без локомотива, илјадници вагони, композиции вагони “шетаа“ од Македонија кон Србија... И добро ќе беше ако дел од таксите и провизиите за тој транспорт завршуваа во државната каса, народот да види ќар. За жал, тие милијарди завршуваа во џебот на поединци, високи функционери на СДСМ.

И затоа, Македонија не доби никаква оштета од Обединетите Нации, и покрај воведените санкции за ембарго кон СР Југославија.

Впрочем, никој ни не праша, зошто Обединетите Нации не и’ платија оштета на Македонија за ембаргото кон Србија?

ЦИА знаеше дека ембаргото е преплатено, но парите завршуваа на приваттни сметка на само некои високи функционери на СДСМ во тоа време... За жал...

Не станува збор овде за обвинение кон СДСМ, то криминал членовите на оваа партија секако не го договарале. Зборуваме за високи функционери на оваа партија кои ја злоупотребија довербата за смтка на лично богатење и кршење на ембаргото на Обединетите Нации и законите на државата Македонија!

Ќе се отвори ли некогаш истрага за овие случаи?...