Ќе му го суспендирате ли на македонскиот народ и правото на референдум?

Ваша екселенцијо, г-н С. Жбогар, Ви го препраќаме јавното писмо на невладиното научно здружение ЦЕНЕСИ – Центар за Немилитаристички Стратешки Истражувања – од Скопје, Р. Македонија, што му го упативме на Вашиот претходник, н.е. г-н Аиво Орав од 02. 08. 2016г. Во писмото упативме јавна критика на ЕУ и на “Комисијата на ЕУ„ и на “амбасадорската четворка“ за „Пржинскиот договор“, за Препораките на Прибе и Ван Хојте со кои ЕУ продолжува да ги ревидира темелните принципи на европскиот (Бадентеровиот) Устав на државата Република Македонија од 1991 г. поточно основните одредби на меѓународното и европското право, а во прв ред на евро-атлантските стандарти на самофинансирање на посебните малцински права, што ги применија прибалтичките држави при демонтажата на комунистичкиот модел на меѓуетнички односи. Затоа ние изразивме жалење оти во мандатот на н.е. Аиво Орав во Македонија не беа направени практични чекори за примена на балтичкиот (Кинкел-Штуловиот) модел на малцински права. За жал ниту во Вашиот мандат не гледаме чекори во насока кон балтизација на Балканот, туку обратно – во насока на балканизација на Балтикот и кон натамошна меѓуетничка конфронтација не само на Балканот, туку и на Балтикот и на светот.

Со цел и во Македонија да започнеме вистински реформи за демонтажа на комунистичкиот модел на меѓуетничките односи и хармонизирање со евро-атлантскиот балтички (Кинкел-Штуловиот) модел, ние побараме во Комисијата за решавање кризата во Македонија да се вклучат и високи претставници на прибалтичките држави и на Русија, а во „амбасадорската четворка“ да биде вклучен и амбасадорот на Русија, н.е. О. Н. Шчербак. Тој има превисоко меѓународно-правно знаење и дипломатско искуство и не е зафатен од сталинистичката „вртоглавица од успеси“, сега од енерго-доларите. Притоа ние се водевме од уверувањето, дека за време на поранешниот СССР имено поколението на н.е. А. Орав и на н.е. О. Шчербак насобра знаење и умеење за соработка со реформските сили имено на рускиот народ за да ги амортизира недемократските агенди на „црвените кмери од Кремаљ“, кои не помалку од камбоџанските „Црвени Кмери“ го десеткуваа имено рускиот народ!

Оттаму, Ваша екселенцијо, С. Жбогар, поранешен сотатковнику, да Ве потсетиме:

Македонија и во 1946 г. и во 1991 г. донесе Устави на национална држава по европски демократски неасимилационен модел, без „котелот за асимилација“ на малцинствата, кои покрај граѓанските права, слободно ги остваруваа посебните етнички права согласно правата и обврските од меѓународното право. Антифашистичкиот АСНОМ-ски Устав беше верификуван на Париската мировна конференција од 1946 г., и во Повелбата на ООН од 1945 г., чиј сопотписник и соосновач, како и Р. Словенија, беше и Р. Македонија. А пак истите одредби преточени во вториот Устав од 1991, по Референдумот за осамостојување, го верификуваа и највисоките европски уставотворни авторитети – претседателите на Уставните судови на 5 најпрестижни членки на ЕУ под водството на Р. Бадентер.

Значи, во уставотворната дејност во Македонија само два Устава беа наметнати со недемократска постапка и без пошироко одобрение, ниту внатрешно, ниту надворешно! Тоа е Уставот од 1974 г. и рамковниот Устав по 2001 г. Првиот недемократски Устав го наметна радикал-левичарската врхушка на Кардељ, кој нашиот народ не го прифати, па дури ниту двете комунистички крила - Лазо-вистите, и Крсте-вистите! А пак европски верификуваниот Устав од 1991 г. во 1993 г. го торпедираа грчките, а во 2001 г. албанските неофашисти, заедно со „професорчињата од канцелариите на Силите на Балканскиот Сојуз“! Па така, под паролата на „братство и единство“ од Крделевиот Устав од 1974 г. „интригантите од северо-западот и професорчињата од пандурската белградска канцеларија“, како вели К. Црвенковски намакедонскиот народ и на малцинствата со култивирана рожбеност им го одзедоа основното право – слободно да располагаат со својот имот и доход. И, како вели поетот-мислител Б. Конески: „периодот на цицање крв со вата го заменија со период на пиење крв со нож“! А сега главното барање во „Албанската платформа“ е да се озаконат и продлабочат истите комунистички привилегии од Рамковниот договор за да продолжи по „закони груби/ нашиот живот да се доизгуби“.

Ваша екселенцијо, г-н С. Жбогар, денес гледаме дека ЕУ не се оградува од „Албанската платформа“, со која се урива државата на македонскиот народ и меѓународ-ниот поредок! Обратно, со барањата за итно формирање Влада без истовремено да спроведеме рефермдум за враќање на европскиот Устав на Р.Македонија од 1991, ЕУ ќе продолжи да ги подржува политичките сили и агенди со кои се ревидираат темелните уставни принципи на државата Република Македонија и на европското и меѓународното право. По тие причини ние во писмото го предупредивме н.е. А. Орав на фактот, дека неговиот наследник во Мисијата на ЕУ во Р. Македонија доаѓа од земја, чии либерал-комунистички „интриганти од северо-западот...“, од почетокот и до крајот на Титова Југославија, го уриваа моделот на „старите македонски револуционери и на Д. Бенгурион“. И до ден-денес не го подржаа европскиот „балтиски“, туку ултра левичарскиот карделе-сталинистички малцински модел!

Затоа, Ваша екселенцио, отворено Ве прашуваме, дали ќе го поддржите Повикот на советникот на премиерот Маргарет Тачер, г-н. Норман Стоун, кој од името на Англија ги повика „западните народи да им се извинат на словенските народи поради подршката на барањата на муслиманските заедници во некогашните православни социјалистички земји особено во социјално-економската сфера, зашто нашата подршка не беше мотивирана од морално-хуманистички принципи, туку од политичките цели со зголемување на расходите во трката за вооружување да го збрзаме распадот на антицивилизацискиот и антихристи-јански сталинистичкиот систем! Оти, по пропаста на социјализмот, веруваме, и нашите муслимански пријатели ќе го сфатат тој факт“! Оттука, дали Вие лично, како Словенец, ќе покренете постапка за извинување за подршката што токму Вашите политички водства и борците за човекови права од редот на „Младина“ и сега Соросовите НВО, им ја даваа на и им ја даваат на албанските „борци за права“ според карделевите привилегии? Затоа ние, Македонците од Македонија, Америка, Австралија и Канада, како и од Русија и Турција и другите земји, веруваме, дека Вашите земји нема да допуштат „агентурите на силите на Балканскиот Сојуз и центрите на политиката на двојни стандарти“ со “Албанската платформа“, освен системот, да ја разурнат македонската држава!

Ваша екселенцијо, ние сме убедени дека и членките на ЕУ, чии претседатели на Устваните судови го верификуваа Уставот на независна Македонија од 1991, ќе ги осудат неговите измени, како и Платформата на Албанија и ќе останат на браникот на неприкосновените права на народите и малцинствата, на основните демократски вредности и обврски на државите. И дека особено учесничките во антифашистичката коалиција одново приоритет ќе им дадат на оние народи и држави, кои во текот на антифашистичката војна конституираа своја национална држава, какви што се РМ и македонскиот народ! Затоа, бараме да го поддржите нашиот јавен Повик за спроведување Референдум за одбрана на Уставот од 1991 г. и правото на Македонскиот народ на држава со статус на народ, на јазик и доход, во која етничките малцинства ќе го зачуваат статусот на малцинство и ќе продолжат слободно да ги уживаат своите граѓански, како и малцинските права во своите посебни етнички образовни, културно-научни, информативни и други институти, но ќе ги финансираат со свои средства согласно меѓународното право и единствените евро-атлантски стндарти.

Ние токму како дипломатска подршка го разбираме Вашето ветување за тоа во текот на отварањето на поглавјата за прием во ЕУ, да ја поддржите нашата Македонска, а не Албанската платформа. Токму затоа, со Референдумот сакаме да ги претпазиме Вашите земји од притисоците на кривотворците на волјата на Македонскиот народ, какви на Балканот, па и во Европа не се намалија по Лисабонската декларација за промена на нашето вековно име. Имено со Референдумот ќе Ви обезбедиме најсилна правна подршка, со која уште повеќе ќе го олесниме Вашето ветување и решение да ја поддржите нашата Македонска, а не Албанската платформа за битни реформи во балканските земји за хармонизација со европскиот систем при отварање на поглавјата за прием во ЕУ на Р. Македонија и Р. Албанија!

И да не би кривотворците одново да не му го суспендираат правото на македонскиот народ и на малцинствата на референдум за своите темелни права!

Со почит и надеж за разбирање и соработка!

Скопје, 2. Март, 2017 г.

За ЦЕНЕСИ, Директор
проф. Чедо Цветановски