Свекрва

Апел до Македонците!

Македонија е земја на Сонцето, чиј симбол се вее на нашето државно знаме. Македонскиот народ, барајќи го местото од каде изгрева сонцето, уште во времето на Александар Македонски ја пренесе Аристотеловата просвета и го цивилизира човештвото. Но, таа некогаш толку славна татковина доживеа пропаст кога се сврте во правец на залезот на сонцето. Туѓи народи посакаа да ја завладеат земјата и да го уништат народот. Со оружје, сплетки и интриги, како и со користење на синовите кои се откажале од родината заради сјајот на богаството, тие со векови се убидуваат да ги уништат Македонците. Но, тие се како пиреј.

Поделбите кои ги доживеа македонскиот народ оставија длабоки корени. Македонците долго време не го развиваа знамето што го носеа во триумф победничките македонски војски. Победничкото сонце од Кутлеш долго време беше ставено под превезот на заборавот, а поради страв од големината на македонското име, многумина се обидуваа да го избришат и географскиот поим Македонија.

Со преминувањето од еден јарем во друг, враќањето на Македонија на светската сцена одеше тешко. Синџирите кои ѝ ги наметнаа странските народи и одродените синови тешко се раскинуваа. Но полека, дел по дел, на чело со ВМРО Македонија крвавеше и се креваше. И покрај длабоките рани, македонскиот народ преку Крушевската Република 1903, АСНОМ 1944 и 8 септември 1991 година ја воскресна Македонија. Победничкото знаме повторно се вееше, а сонцето на слободата повторно грееше на еден дел од територијата на Македонија. Потиснатата колективна меморија заради заборавање на нашето потекло повторно бликна со цела сила.

Меѓутоа, лекцијата од минатото беше заборавена. Повторно дозволивме на сплеткарите со години слободно да шетаат низ нашата земја, засипувајќи го нашиот народ со раздор и страсти. Додека македонскиот народ ги пречекуваше со раширени раце и љубов, дојденците упорно работеа на раздробување, потпалување расправии и подготвуваа терен за конечно погребување на славното македонско име.

Неодамна одродениот син на Македонија, Зоран Заев како Социјалдемократ, со помош на Западот, им овозможи на Албанците, на нелегален начин да го заземат парламентот и затемнат македонското сонце за да ни го оспорат името и правото да владееме со нашата земја. Наместо гордото македонско знаме, среде македонскиот законодавен дом, тие го поставија нивното знаме, црниот двоглав орел на црвена основа, кое ја затемни иднината на Македонија.

Во македонското Собрание, во храмот на демократијата прво се пееше химната на Република Албанија, а потоа противуставно и на нелегитимен начин беше избран новиот Претседател на Собранието на Република Македонија. Се случи противуставна акција на тие кои сакаат да ја преземат власта. Односно беше извршена окупација во три чина!?

Единствено кој се спротивстави на овој чин беше македонскиот народ кој по два месеци протестирање влезе во парламентот! Но, поради провокации, како и парализираните институции кои треба да го бранот Уставот и законите на земјата, народот се осмели да влезе за да си ја земе првдата во свои раце.

Настапија критични денови за Македонија.

Во прашање е иднината на македонската држава. Разјадена и ранета од отровните стрели на некои надворешни мешетари во последните повеќе од две децении од осамостојувањето повторно ги зголемија своите апетити кон нашата земја, Македонија со полни очи со солзи тажно гледа во своите чеда и ги прашува без разлика на јазикот кој го зборуваат (македонски, турски, српски, влашки, ромски, албански итн.) дали ќе ја остават да се разнебити македонската држава.

ВМРО-ДПМНЕ како партија одлучно застана зад интересите на македонскиот народ и неговата држава. ВМРО-ДПМНЕ никогаш нема да се предаде и никогаш својот народ нема да ја остави Македонија на цедило. ВМРО-ДПМНЕ се спротивстави на Тиранската платформа, а тоа треба да го сторат и од СДСМ ако имаат барем малку чуство за државните интереси.

Македонци! Вие сте чеда на Македонија, во вас тече македонска крв, зарем уште не се разбудивте? Оставете ги настрана теснопартиските и личните интереси. Време е за одбрана на земјата. Не им верувајте на другите кои работат само за свои интереси и за пропаст на македонскиот народ и држава. Македонија ве колне да се смирите, да се сложите и збратимите без разлика на етничка, верска, партиска или друга припадност.

Зарем нема да се срамиме ако дозволиме Македонија да се разнебити со Тиранската платфорна?

Зарем ние сите заедно ќе им помогнеме да го закопаат славното име македонско?

Ако тоа не го посакуваме, ако сакаме да се залечат раните на Македонија, ние како вистински Македонци да ги истераме од својата прадедовска земја сите интриганти што денес не` распируваат, шират омраза и поделби меѓу браќата од разни вери и народности.