Свекрва

Bo желба што побргу да испорача резултати кон странските центри на моќ кои ги донесоа на власт, владата на Зоран Заев како да нема црвени линии во однос на надворешната, па и внатрешната политика. Ветува многу но за возврат не добива ништо. Напротив се повеќе се заоструваат барањата на соседите, како и домицилните Албанци кои бараат исполнување на предизборните ветувања за воведување на двојазичност на целата територија. Тоа ја носи Македонија на непознат простор кој може да ја доведе земјата до поделба.

НАТО и ЕУ му порачаа на новата влада на Зоран Заев да не се надева на евроатлански интеграции без решение за името.

Грција и Бугарија не остапуваат од досегашните ставови со кои се негира идентитетот и јазикот.

Албанците во Македонија му порачуваат на Заев или Закон за јазиците во првите 100 дена од формирањето Влада или напуштање на Владата.

И покрај ваквите ставови, Владата на Заев се надева дека Македонија набрзо ќе стане членка на НАТО. Прашањето е, ако тоа се исполни, која е цената која македонскиот народ треба да ја плати!

Владата на Зоран Заев, започна активности кои би овозможиле забрзано влегување на Македонија во ЕУ и НАТО. Меѓутоа, ветувањата дадени пред и по доаѓањето на власт неможат да се остварат, а да не нанесат штета на македонскиот народ.

Тоа што го прави владата на Заев, охрабрена од амбасадорот на САД во РМ, ЕУ и НАТО, се чекори по кој нема враќање назад.

Секако дека е потребно да се развиваат добрососедските односи и мерките на доверба, но тие не смеат да бидат на штета на македонскиот народ и држава.

Прифаќање на името „Вардарска“, „Горна“или било кое друго име ќе го доведе во прашање идентитетот на македонскиот народ.

Од друга страна, воведувањето на двојазичноста на целата територија води кон федерализација и поделба на земјата. Сите правци кон ги води надворешната и внатрешната политика на Владата на Заев ја доведуваат во прашање иднината на државата каква што ја познаваме.

Ваквото однесување на Владата на Зоран Заев не само што нема поддршка меѓу македонскиот народ во земјата туку и меѓу Македонците во Пиринска и Егејска Македонија, потоа меѓу Македонците во Албанија, како и меѓу македонската дијаспора.Сепак, најголема пречка во спроведувањето на планот на СДСМ за разнебитувањето на земјата е ВМРО ДПМНЕ.

Свесни за тоа, Владата на Зоран Заев преку Специјалното Јавно Обвинителство (СЈО) кое е инсталирана испостава од центрите на моќ, се обидува да ги оцрни сите водечки личности на ВМРО ДПМНЕ и да внесе раздор во партијата преку разни незадоволници и кариеристи.

Употребата на СЈО, на т.н. тешка артилерија против ВМРО ДПМНЕ застрашува, зошто укажува дека се случува нешто поголемо, кое тешко може да го проголта македонскиот народ.

Всушност, свртувањето на вниманието на јавноста со разните обвинувања на високите челници на партијата ВМРО ДПМНЕ укажува дека во позадината се случуваат многу пострашни работи, кои водат не само кон промена на името и идентитетот на македонскиот народ, туку кон поделба на земјата.

Затоа најдобро е Заев и неговата влада во интерес на Македонија, со време да се откажат од оваа игра која води кон поделба и разнебитување на државата.