Манојил (Мане) Јаковлески

Проблемот на Европа можат да им го решат само национално обезличени, корумпирани и неодговорни раководства, кои прифаќаат да потпишат се` што ќе им се наложи, според претходно утврдено сценарио и преку претходно таргетирани без `рбетници.

Нивна цел беше и им успеа, со сила на власт донесоа гарнитура која ќе им овозможи лесно решавање на проблемот со името, а со тоа Македонците да го изгубат својот идентитет и да исчезнат од листата на народи.

Од осамостојувањето на земјата речиси да нема период кога СДС е на власт, а да не започне активности за разнебитување на македонскиот народ и држава.

Во нивните постапки нема трошка патриотизам, нема размислување за последиците кои ги предизвикуваат со своите постапки. Тоа се луѓе кои одамна се откажале од интересите на соспствената држава.

Тажно е што ова не допира ни до малиот мозок на елитата која е дел од потесното раководство на СДС.

Всушност се потврдија претпоставките дека со влегувањето на СДС во власта ќе создаде хаос и ќе биде спротивно од интересите на државата. Ни денес не се штедат средства за да се затвораат Македонци кои не сакаат да се откажат од своето име, јазик, идентитет.

И после неуспешниот Референдум не се штедат средства за да се “убедат“ Пратениците од коалицијата предводена од ВМРО-ДПМНЕ, кои не сакаат да се откажат од своето име, јазик, идентитет.

Обидот на сценаристите преку Зоран Заев да ловат во матно по неуспешниот Референдум иако добро извежбан од своите спонзори, сепак лошиот глумец, со серија грешки го покажа вистинското лице.

Таканаречените „бомби“, исконструирани прислушувани разговори, кои Зоран Заев ги пласира преку Катица Јанева и СЈО во јавноста, е со цел да се компромитира раководството на ВМРО-ДПМНЕ, како пред сопственото членство и домашната јавност, така и пред меѓународната заедница.

Ваквите неконсистетни ставови покажуваат дека лидерот на СДС Зоран Заев, не е сериозен политичар кој може да ги брани интересите на македонскиот народ и држава. Исто така, тие укажуваат дека тој работи исклучиво за свои лични интереси и дека во даден момент може да предизвика војна и поделба на земјата.

Македонскиот народ, кој добро ги познава слабостите, грешките, но и предностите на ВМРО-ДПМНЕ, на Реферндумот кој заврши негативно, му дадоа силен ветер на партиското раководство да истрае во одбраната на исконското библиско македонско име за кое во минатото загинаа илијадници Македонци.

Единствено во овој момент кој преставува пречка во распродажбата на националните интереси на државата е ВМРО-ДПМНЕ.

ВМРО-ДПМНЕ е голема партија со огромен потенцијал, која ќе го најде излезот од состојбата во која ја турка Зоран Заев и ќе ги одбрани интересите на македонскиот народ. Во тоа нема да ја спречат никакви маргинални платени политичарчиња и новинарчиња.

Имено, Македонцие знаат дека своите најголеми успеси ги доживува по доаѓањето на власт на ВМРО-ДПМНЕ и Никола Груевски како Премиер на РМ.

На народот им треба ВМРО ДПМНЕ, која има визија, знаење и умење да го води македонскиот брод низ немирното балканско море, чии бранови од разни сфери на влијание се судираат тука во Македонија.

Штетата која Заев ѝ ја прави на Македонија е огромна и за жал поради надворешна поддршка таа во моментов неможе да се санкционира.

Но ако тоа сега не може да го направи ВМРО-ДПМНЕ, многу брзо народот на идните избори ќе го казни Зоран Заев и неговата СДС.

Македонскиот народ памети, не заборава, тоа значи ќе има сериозен одговор!