Македонска нација

Во некои држави во Европа, животните имаат повеќе права и слобода од Македонците кои живеат во Грција

Европа ги затвора очите и ушите, се прави дека не слуша и не гледа.

 Македонскиот народ денес живее под голем притисок од страна на НАТО, УСА и Европската Унија која стана жртва на грчката шовинистичка влада.

ЕУ покажа дека има двојни стандарди, тие што ја имаат силата ќе прават што сакаат, а пак помалите, послабите, за нив имаат други аршини, тие ќе бидат жртви на посилните, на поголемите и се ќе зависи од пријателските односи што ги имаат членките на ЕУ меѓу себе.

Македонците во Грција сеуште живеат под терор на шовинистичките сили во оваа држава.Грчката влада сеуште ги држи границите затворени за Македонците по потекло од Егејскиот дел на Македонија, кои беа протерани за време на граѓанската војна во Грција 1946-1949 год. од страна на грчката монархофашистичка влада.

На Македонците од Егејот, не им е дозволено да се вратат на своите родни огништа, не им е дозволено ниту да запалат свеќи на гробовите од нивните родители кои беа убивани за време на граѓанската војна од монархофашистите- родителите на денешните грчки политичари.

Затоа, да веруваме дека емисарите од ЕУ, НАТО, нашиот јужен сосед и нашите домашни петоколонаши-продадени души, ќе смогнат разум и храброст да се соочат со реалноста дека оваа држава се вика Македонија, дека МАКЕДОНИЈА и МАКЕДОНЦИТЕ постоеле, постојат и ќе постојат!

А Европа, ги затвора очите и ушите, се прави дека не слуша и не гледа, спие како да е падната во длабока кома, како да е опиена од виното на вештачката творба Грција.

Во некои држави во Европа, животните имаат повеќе права и слобода од Македонците кои живеат во Грција- чланка на НАТО и ЕУ.