Браќа и сестри,

На 11 октомври 1941г. свесен дека вистинската слобода за Македонија не може да биде подарена, туку само со борба освоена, македонскиот народот заедно со сите чеда на Македонија ја започна Народноослободителната борба. Во оваа борба, народот на Македонија се препороди и се почувствува слободен да си ја земе судбината во сопствените раце.

На овој ден нашите партизани кои чекорејќи по патот кон слободата се соочија со многу маки и премрежија, и притоа покажаа невиден хероизам и искрен патриотизам.

Партизаните, нашите втори Илинденци, не се бореа и гинеа за слободата за да денес дозволиме поигрување со таквото наследство, врежано во колективната меморија на слободарските антифашистички народи во Светот.

Нашите славни предци во наследство ни ја оставија скапо платената слобода и државност на Република Македонија.

Мора да се почитуваат борците од четириесетите, Илинденците и тие кои се изборија во деведесетите, и нивните „наследници“, тие што се борат и денес, за економски силна и достоинствена држава Македонија.

Човечки е да се греши, а од сопствените грешки пак, најмногу учиме, но, до кога ќе правиме грешки, кои, ќе може ли некој да ги исправи и кога? 

Затоа сметаме дека веќе е време да не се сопнуваме на секоја препрека, и да ја смениме навиката- штом ќе направиме два чекори нанапред, да не се вратиме три наназад.

Да не беа тие храбри луѓе во 1903 година, четиреесетите и деведесетите години,  ова денес немаше вака да се слави.

Нека ни е честит 11-Октомври, Денот на народното востание!

Вечно да се паметат хероите!

Да живее Република Македонија!

АМИН!

Унија на Ветерани на ВМРО-ДПМНЕ