Книгата „Од по жица“ од Жаклина Михајлова е двојазично издание, во кое се содржани вкупно 33 песни објавени на англиски и македонски јазик и поделени во три циклуси и тоа: „Живот“, „На Македонија“ и „Австралија - вечен непокор“.

На 2-ри ноември 2013 год. во просториите од ФК „Грингилски Лавови“ во Грингила, недалеку од градот Волонгонг, Волинци се сретнаа по 16-ти пат, за со полни чаши и убава македонска музика да се видат, помуабетат и провеселат. На присутните во име на одборот, топло добредојде им посака г-динот Иван Трпоски, а за досегашните и идни планови им се обрати еден од иницијаторите на Волинските средби г-динот Тоде Николоски. Приходите од  досегашните средби биле исклучиво наменети за хуманитарни цели – обнова и изградба на нивното родно село Волино, Охридско.

Македонските медиумски дневни изданија и интернет портали, во последно време отворено ги изнесуваат мислењата за итната потреба за признавање на уставното име на Македонија.Таквите мислења се изнесуваат и поубедливо, во вид на цитати на врвни поранешни лидери и функционери, на маѓународни тела, како ЕП, ЕУ, НАТО, САД и други држави од Европа, Америка и светот.

Сузана е претседател на националната асоцијација,„Блаже Конески“ која ги помага културните размени помеѓу Франција и Македонија

Претседателот на Македонското друштво „Илинден“ - Тирана г-дин Никола Ѓурѓај  по поднесена оставка од стрна на г-дин Ерјон Танај генерален координатор на Македонското друштво „Илинден“ - Тирана, врз надлежностите означи нов генерален координатор Стојанка Палко, на 01.11.2013 година со мандат до 2016 година.

Во организација на Македонскиот Просветно Училишен Одбор на НЈВ, во Сиднеј по шести  пат се одржа Натпреварот по рецитирање на македонски јазик за учениците од основните училишта. И оваа година, традиционално, домаќин беше Основното училиште во Карлтон.

Со звуците на македонските традиционални инструменти, кавалот, зурлата, гајдата и тапанот започна Македонскиот фестивал на храната во популарниoт Williamstown. Oрганизиран беше и авион кој го вееше големиот банер испишан со Macedonian Food festival. Илјадници посетители со голем интерес ги следеа настапите на фолклорните уметнички друштва кои продефилираа во македонски народни носии и се претставија со најубави македонски ора.

Минатата седмица, во организација на хрватското здружение за унапредување на културата „Културтрегер“ ("Kulturtreger"), во клубот „Букса“ ("Booksa") во Загреб се одржа деветтата Ревија на малите книжевности. Оваа година, Ревијата беше посветена на македонската книжевност и по тој повод, во издание на „Културтрегер“ е објавен избор од творештвото на десет македонски автори кои согласно критериумите на организаторите се помлади од четириесет години и се афирмирани во својата земја, а нивна книга, до сега не е објавена во превод на хрватски јазик. Приредувач на овој избор е Венко Андоновски.

Секое фактичко прикажување на лојалноста на актуелната власт на РМ и одбрана на своите македонски карактеристики и уставното име на Македонија, согласно со  изворите од  вистинската македонска историја, привлекува пријатели на Македонците и на Република Македонија. Посебно пријателство кое доаѓа од страна на светската интелигенција, а мирните протести и масовни мирни културни јавни појави на поголеми групи македонски иселеници и граѓани на Република Македонија, ќе влијае за позитивно претставување и со тоа усвојување на јавното мислење за вистината на  Македонците и Македонија.

Македонската организација “Macedonian Children Relief Fund” од канадскиот град Торонто и оваа година успешно го организира својот традиционален годишен банкет кој овој пат се одржа на 19 октомври во македонската православна црква Св. Климент Охридски.