Костадин Керпичоски

Политиката на страна сега е време за идеологија!

Што би рекол еден мој многу близок пријател, војвода, патриот и човек кој ја сака својата земја и својата матична партија, го цитирам:"Оставете политика пријатели време е за идеологија, време е за борба за нашата татковина"

Токму така, се согласувам со него а и сите ние со оваа мудра мисла, време е браќа Македонци за идеологија, за Македонија.

Време е браќа за борба(се разбира на мирен начин), време е да покажеме и докажеме кои сме, од каде сме и зошто сме создадени!

Време е пријатели да покажеме единство, братство, патриотизам, сплотеност!

Многу пати сум пишувал во моите колумни за тоа колку Македонскиот народ бил и е угнетуван и колку пати бил предаден од внатрешните и надворешните предавници но и колку бил измачен и истраен, напатен и за тоа колку пати нашата татковина била фрлена на колена но сепак секогаш станувала цврсто на нозе!

Ве уверувам браќа и сестри дека уште е време комитско и дека и овој пат ќе успееме, ке ги надминеме сите препреки, ќе се издигнеме над проблемите и ќе помине и ова невреме и оваа бура.

Гледам исплашени фаци околу мене, луѓе со право загрижени и народ кој многу добро знае што ни се случува во последните година дена но имам порака за вас драги мои а тоа е дека воопшто не треба да се плашите нити страшите, тоа се предавници и се луѓе но луѓе без душа и срце и луѓе во чии вени не течи македонска патриотска крв!

Драги мои ние сме тука, спремни сме и сме во првите борбени редови за да си ја зачуваме Македонија и единствената татковина!

Ве уверувам дека моментално сме на прагот за да наредниот чекор е еден чекор пред добивање на „војната“ но и битката не е така мала работа!

Ние како потомци на освојувачи и војсковотци чекор по чекор, битка по битка, ден по ден ќе си ја добиеме војната!

Ве уверувам дека ќе дојде ден кога ова ќе остане зад нас и ќе биде еден темен период во нашата историја кој ќе има среќен крај!

Ве уверувам дека ќе дојде денот кога Македонија цврсто на нозе ќе се исправи и ќе испрати порака дека ниту внатрешни ниту пак надворешни непријатели и предавници не и можат ништо!

Македонија за кратко време ќе испрати порака дека ниту олеснувачи ниту пак ситни странски мешетари можат да одлучуваат за нејзината иднина и иднината на Македонскиот граѓанин!

Ние браќа Македонци ќе испратиме порака до сите дека дојде крајот и почетокот на една нова Република Македонија која ќе продолжи да чекори по истиот тој пат на кој тргна претходно,

Македонија која ќе продолжи да растие и да се развива како држава и една Македонија во која младите ќе останат машинеријата на истата, се разбира поддржани од постарите од војводите кои ќе не советуваат и ќе ни даваат поддршка и ќе ни пренесуваат дел од нивното искуство!

Кренете глава Македонци гордо високо, бидете храбри, мирни и тивки, паметни и разумни но во исто време и воинствени, патриотски расположени и сакајтесија Македонија бидеќи друга татковина немаме!