Костадин Керпичоски

Веќе долг временски период следам што се случува на политичката сцена во Репубика Македонија.

Случувања поврзани со протести, контрапротести, плукање и оцрнување на се што е Македонско и блокада на евро-атлантските интеграции.

Имено одредени меѓународни фактори во коалиција со СДСМ играат политика за смена на ВМРО од власт и со тоа решавање на спорот околу името со Грција кој трае со децении.

Како што претходно сум пишувал во моите колумни така и сега го потврдувам мојот став дека единствена пречка на сите овие фактори вклучувајќија и Грција е ВМРО и Никола Груевски.

Токму така како што прочитавте, играчите од надвор и внатре не предвидоа дека пред себе го имаат ВМРО т.е 500 000 гласачи за актуелната владеачка партија и лидерот Никола Груевски кој пред се е голем патриот и човек со големо срце!

Мојата теза од претходно се потврдува и со изјавата на Американскиот амбасадор а и на олеснувачите како тоа токму сега е време за решавање на спорот на Македонија и Грција.

А пак според нас Македонците како и Македонските аналитичари заеднички став е дека спор со Грција не постои, дека ние немаме никаков проблем со нив, ние сме Македонци и нашата држава се вика Македонија а тоа што на нив ова не им се допаѓа е навистина нивни личен проблем.

Воопшто не ја оправдувам тезата дека со решавање на овој спор помеѓу Македонија и Грција ќе се реши мигрантската криза. Оваа криза ја создадоа големи велесили и истите тие се способни да ја решат во еден ден а не ние како Македонија или Грција или било која друга европска држава каде што мигрантите само помиуваат транзит.

Мојот став околу оваа мигрантска криза е дека таа е вештачки создадена како и политичката криза кај нас во Македонија, наметната од странски фактор за ослободување на "племото" од нивна територија и инфилтрирање на терористи на територијата на Европа.

Затоа уште еднаш јасно и гласно велам дека не Македонија да е виновна ами самите тие кои ја создадоа кризата сега цврсто на нозе и да ја разрешат со два државни потези.(Вие многу добро знаете кој е виновен за мигрантска и политичката криза конкретно во Македонија)

Исто така, минатонеделниот терористички напад во срцето на Европа Брисел е доказ и удар за политиката на Европа кон мигрантите на отворени граници и широки прегратки.

Да се навратиме на актуелнава тема околу насилната промена на власта во Македонија, сгурен сум дека тоа нема да им успее, нема да им успее бидеќи за да тоа се случи ќе треба да се суспендира демократијата што не оди во полза на никој.

Исто така сум сигурен дека нема да успее знаеќи дека во моментов ВМРО-ДПМНЕ има дво-третинска поддршка од граѓаните така што нивниот план дефинитивно не би успеал.

ВМРО е код на секој Македонец но и со години е пречка и тоа не само за надворешните ами и за внатрешните непријатели на државава.

ВМРО е столбот на овој Македонски народ и ја одржува во живот Македонската држава и токму порати тоа ВМРО е мета на многу, многу "ТЕРОРИСТИ".

Имам да ви порачам дека треба да живеете во спокој и мир бидеќи ВМРО е код на секој Македонец, ВМРО живее и ќе живее во иднина а пак тоа е гаранцијата за опстанокот и иднината на Македонската држава.