|
|
| Среќен роденден ВМРО ДПМНЕ! |
 Клаудија Лутовска Во оваа сторија има многу што да се кажува, да се прекажува и памети, зошто ова е наше минато, наша сегашност, наша иднина. Читајќи ја Македонската историја морам да признаам дека кога се дозна дека ги зеде некој тие четири свети букви ВМРО и ги стави на партија многумина Македонци си поставија прашање, смее ли некој тоа да го направи? и кој може тоа да го направи? Но има некоја магија, некој аманет во тоа да се викаш ВМРО, да се идентификуваш како ВМРО, да ти почнуваат утрата и завршува денот вложувајќи во ВМРО. Тоа е влог за Македонија. Во 1990 година се случи ренесанса за Македонија. А еве сега прослава на тоа што тогаш се случи, а се случи ВМРО ДПМНЕ. Многу успеси и падови, надежи и разочарувања во денешната дваесетгодишна приказна на ВМРО-ДПМНЕ. Период во кој најголемата и највлијателна партија во десницата мина низ многубројни премрежиња и преживеа крупни трансформации. Настаните оставија длабоки траги не само во ВМРО-ДПМНЕ, туку имаа големо влијание и врз целата домашна политичка сцена. Во 20-годишната сторија на ВМРО-ДПМНЕ се испреплетени многу лични приказни. Кога ја гледав прославата се прашував каде ли се оние од 1990та ? Ги нема починатите: Драган, Кљусев, Мијалков, Врапчето,...Како и секогаш и во 1990 г. имаше некои кои знаеја како да се поведе народот но, имаше и некои со нечесни намери кон својата земја и народ. На прославата видов многу од оние кои на 17 Јуни 1990 година ги удрија темелите на партијата, со еуфоричен занес ги полнеа плоштадите и ветуваа нова, поинаква и просперитетна независна Македонија. Многу важни датуми за ВМРО ДПМНЕ се Берлинскиот – Минхенскиот состанок, оснивачкото сообрание и секако на родоначалниците на партијата: Драган, Борис, Љубчо, Владо, Гојко, Мане, Дијана, Стево,... Збиднувањата во Берлин- Германија и во Европа и многу Македонски патриоти на многубројни случувања поврзани со почетоците на заживувањето на ВМРО-ДПМНЕ ќе останат запишани во историјата на Македонија, а Берлин како град пријател, но и како град „херој“ за скоро сите настани поврзани со Македонија во Европа и пошироко во тие години. Во јуни 1990 година Македонскиот Ресторан „Ново Скопје“во Берлин, има голем влог во формирањето на оваа партија. Од тамо исто така, се одржуваа долгогодишните врски и пријателски односи со Драган Богдановски - идеолошкиот татко и автор на првата и единствена вистинска политичка програма на ВМРО-ДПМНЕ. И така на Македонија и е судена ВМРО, на Македонците им стана судбина ВМРО и како по аманет, ВМРО ја води секогаш моќен Македонец. Ако престане да биде ,,Македонец“- тој престанува да биде и ВМРО или обратно. Уште една цврста гранка, здрав корен, е на врвот на ВМРО. Никола Груевски е прво Македонец, а потоа лидер на партија, Премиер на државата, но и чесен и достоен граѓанин на денешна Македонија, за која тој цврсто стои на земјата и лавовски се бори и ја води Македонија. А Македонија не е само тука, таа дише со секој Македонец по планетата земја. |
