Среда, 30 Ноември 2022   
Местото на Докторите не е во политиката, туку покрај пациентите

1jovo Burne

Порталот Македонска нација напрати интервју со Д-р Јово Бурне, специјализант по Хирургија, новата надеж на македонското здравство

МН:Кажете ни нешто повеќе за вас, кој е Д-р Јово Бурне ?

ЈВ: Јас сум Д-р Јово, роден во Прилеп, потекнувам од почитувано и ценето семејство, по професија сум Доктор-специјализант по Хирургија.

МН:За тие што ве познаваат знаат дека вие сте познат како голем хуманист, човек кој помагал на многу луѓе во животот, помагал во многу хуманитарни цели, човек кој е непосреден и близок со обичните луѓе а кои имаат секојдневни проблеми

ЈБ:Јас сум обичен човек како и сите други, и мојот поттик да се бавам со медицина во животот беа и се хуманоста и желбата да се помага на сите. Никогаш не сум сакал да правам било што во животот за слава и популарност. Едноставно оставам на луѓето да го кажат своето мислење за мене.

МН:Нашето здравство моментално е во катастрофална состојба. Гледаме како ни горат модуларни болници во државата со пациенти, гледаме како лекуваат доктори без лиценца, гледаме случаи како Јилдиз Веапоска, гледаме како пациентите со ретки болести немаат лекарства и уште многу многу други хаоси и проблеми во нашето здравство. Кажете ни што мислите вие за сето тоа како некој кој е вклучен во здравствениот систем долго време?

ЈБ:Па видете, проблемот во нашето здравство не е од денес или од вчера, тоа се провлекува 30 години наназад и никој ништо не превзема. Проблемот е во тоа што ние немаме воопшто здравствен систем во државата, туку имаме само една импровизација на здравствен систем. Едноставно целиот систем на функционирање на нашата држава е погрешен, не само здравството. 30 години се обидуваме да импровизираме здравство со ветувања пред избори, а од тоа ништо нема. Ветувања од типот, покачувања на плати во здравството од 10 % секоја година, ветувања од типот изградба на нов клинички цектар, ветувања од типот дека ќе се воведе бесплатно здравство за сите граѓани и друго.. Јас неможам да разберам како во нашата држава најплатени професии се судиите и обвинителите, а не докторите, медицинските сестри и здравстениот персонало? Едноставно сите видовме кога се случи ковид пандемијата на кого беше целиот товар. Гледаме секој ден се повеќе и повеќе млади лекари и медицински персонал, болничари, сестри како си заминуваат од оваа држава. Гледаме незадоволни пациенти, пациенти кои чекаат со месеци за Комјутерска томографија, пациенти кои се невработени и без осигурување и кои за еден обичен преглед на матичен лекар плаќаат по неколку илјади денари. Проблемот во оваа држава е во тоа што политиката е длабоко навлезена во сите свери на нашето опшество, и се’ се гледа преку политичка призма, се се сведува на делење на наши и ваши, никој не превзема никаква одговорност за ништо и за сето тоа на крај страдаме сите ние, затоа што сите сме дел од здравството и сите сме потенцијални пациенти еден ден.

МН:Убаво кажавте и посочивте дел од проблемите, но што треба да се превземе за да се подобри нашето здравство ?

ЈБ: Па видете, прво и најосновно е да се ослободи здравствениот систем од партиски и политички стеги. Да се донесат луѓе експерти и професионалци во системот. Имаме ние такви луѓе и во државното и во приватното здравство. Да се направи еден конкретен 10 годишен план за развој и ревитализација на македонскиот здравствен ситем. Да се донесе закон за Докторска дејност. Да се покачат платите на младите и општи лекари во оваа држава, да се потруди државата да ги задржи тука кај нас, и не само нив, туку и другиот здравствен персонал. Да се направи нашето здравство бесплатно за сите. Состојбата е моментално очајна, гледаме сите како се затвораат болнички одделенија во Битола, Штип, фалат анестезиологи, хирурзи, ортопеди, рентгенолози насекаде, едноставно ако се продолжи со оваа купи ден помини политика, верувајте еден ден кога ќе отидеме на лекар ќе нема кој да не пречека и да ни каже добар ден, а не пак да најдеме некој да не прегледа и да не лекува.

МН:Вие сте млад, почитуван и успешен Доктор, дали некогаш би влегле во политика и би се занимавале со политика ?

ЈБ:Не, според мене местото на Докторите не е во политика туку покрај своите пациенти. Политиката е проклет бизнис во која човек ја губи својата душа и достоинство. Јас Никогаш не би се занимавал со политика, едноставно за мене најважна политика во животот останува помагањето и хуманоста кон луѓето.

МН:Што мислите за актуелната политичка ситуација во Македонија ?

ЈБ:Па видете, политиката во нашата држава е таква каква што е, ние сме држава што е постојано во криза 30 години, транзиција, немаштија, здравствена криза, ковид криза, енергетска криза, економска криза, ценовна криза, нафтена криза, политичка криза, и на крај никој не ни е крив затоа што самите ние си ги бираме политичарите. Какви политичари, таква држава. Едноставно никој не ни е крив. Единствено ми е жал што многу млади луѓе си заминаа од оваа држава чекајќи подобро утре. Додека политичарите се борат само за гола власт и да стават некој денар плус во своите џебови, обичниот народ неможе да поврзе крај со крај секој месец. Сиромаштијата и безпарицата се секој ден се повеќе присутни. Македонија е држава на несреќни луѓе, гледаме тажни лица, уништени семејства, празни улици, празни села, празни градови. Ги наполнивме градовите во Германија, Малта, Белгија, Шведска, Данска со наши пријатели, роднини, познаници, другари, и секој ден си заминува по некој наш близок, и еден ден ситуацијата ќе биде таква што нема да остане никој тука. Нешто мора да се менува час поскоро, во спротино еден ден ќе останеме и без народ и без доктори.

МН:Д-р Јово Бурне, Ви Благодариме за интервјуто и ни беше чест

ЈБ:Ви благодарам и јас за можноста

 

На прво место

News image

Централниот комитет на ВМРО-ДПМНЕ ги усвои победничките листи за парламентарните избори

  Муцунски: Централниот комитет на ВМРО-ДПМНЕ ги усвои победничките листи за парламентарните...

Историја

News image

Гоце Делчев неприкосновен лидер на македонската револуционерна борба

Општонародниот водач на македонската ослободителна борба Гоце Делчев е роден на 4 февруари 1872 годи...

Иселеници

News image

НАЈГОЛЕМО ПРИЗНАНИЕ ЗА АНСАМБЛОТ „Томов“ И ЗА ГЕОРГИ (ЏОРЏ) ТОМОВ (19)

ДЕЛ ОД МОНОГРАФИЈАТА „ТОМОВ“  НА СЛАВЕ КАТИН

Култура и туризам

News image

Велигденски пост

Првичната цел на предвелигденскиот пост била насочена кон огласените, кои се припремале да бидат крс...

Фељтон

News image

АКТИВНОСТИ НА ФОНДАЦИЈАТА ПО СМРТТА НА АТАНАС БЛИЗНАКОВ – (ДЕЛ II) (25)

ДЕЛ ОД ЖИВОТОТ НА АТАНАС БЛИЗНАЈОВ ВО МОНОГРАФИИТЕ НА СЛАВЕ КАТИН

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.