Македонска нација

По Втората светска војна македонските безбедносни служби беа составен дел на безбедносниот систем на Југославија. Во името на зачувување на братството и единството на југословенските народи, беа запоставувани македонските национални интереси. Намерно беа пласирани конструирани информации со цел да се нарушат позициите и поддршката на македонските национални борци, како во Македонија така и во македонската емиграција.

Така на пример, главниот инспектор В.Д. на Службата за државна безбедност на Републичкиот секретаријат за внатрешни работи на СР Македонија (СДБ - II- сектор на  РСВР-СРМ), на 3.03.1987 година ќе изработи: „Предлог за пласирање на информација во МНЕ и пошироко“, класифицирана како „Строго доверливо“ која има за цел да се искористат браќата Јаковлевски за да се дискредитира. Драгам Богдановски:

https://www.mn.mk/dosiea/3199-Strogo-doverlivo

Ваквата обработка на поедини македонски дејци, продолжува и по осамостојувањето, се со цел одредени сили да ја контролираат политичката сцена. Особено внатрешните и надворешни сили кои го оспоруваат македонскиот идентитет, јазик и култура, и кои не сакаат да опстане македонската држава, работат против дејците на ВМРО ДПМНЕ. Овие сили и денес преку разни незадовлни поединци и медиуми, пласираат одредени „новооткриени“ информации кои имаат за цел да ги дескридитираат како старите така и новите челници дејците на ВМРО ДПМНЕ, кои се вистински браник на нациналноте и државни интереси. 

Познато е дека во минатото Богдановски и браќата Јаковлевски биле предмет на обработка на повеќе тајни служби:

https://mn.mk/istorija/16544-Makedonija-mojot-kopnez-%E2%80%93-Manojil-Mane-Jakovlevski-4

Повеќето од документите кои го објаснуваат нивното делување се објавени на страниците на „Македонска нација“.

Меѓутоа, ако во минатото обид за дискредитација имало за еден од основачите на ВМРО ДПМНЕ Драган Богдановски, како и браќата Гојко и Мане Јаковлевски, денес на удар е премиерот и лидер на ВМРО ДПМНЕ Христијан Мицкоски, а покрај него, повторно на мета е и претседателот на Ветераните на ВМРО ДПМНЕ Мане Јаковлевски.

Всушност се повторува истата приказна, секогаш кога ВМРО ДПМНЕ е на власт. Незадоволници или инструирани поединци денес во колумни, во спонзорирани емисии, плукаат по личности кои зад себе оставиле длабоки траги од основањето на партијата до денес. Тие изнесуваат наводно ново откриени документи кои имаат за цел да ги дискредитираат овие личности преставувајќи ги како соработници на тајната служба.

Пошироката цел на пласирањето на вакви инфорнации зад кои стојат одредени внатрешни и надворешни сили, кои не го сакаат доброто на македонскиот народ и неговата држава, е: луѓето да се доведат во заблуда (погрешна престава), да се наруши единството во ВМРО ДПМНЕ, партијата на власт; да  се спречи најавената борба против корупцијата и криминалот, и да се спречат најавите за отстранување на штетните последици од договорите со соседите.

Во моменти кога власта предводена од ВМРО ДПМНЕ се справува со последиците од владеењето на СДС и ДУИ, кои државата ја доведоа на работ на амбисот, ваквите оцрнувања и спротивставувања меѓу себе, најмалку се потребни. Зарем треба да се вратиме во првата половина на минатиот век кога македонските дејци се ништеа меѓу себе заради туѓи интереси.

Отогаш помина многу време, па македонскиот народ е поискусен и помудар, што го покажа на последните парламентарни и претседателски избори. Мнозинството од народот веќе може да ги разликува информациите и веќе не наседнува на злонамерни информации.

По триесет и три години од осамостојувањето на Македонија, во кои земјата се најде пред многу предизвици, како што ќе посочи Претседателката Гордана Сиљановска Давкова во честитка до граѓаните по повод 8 Септември – Денот на независноста, време е да се остават настрана поделбите, време е на сплотеност за општото добро и јавниот интерес.