Некои домашни политичари-кретени ја гледаат Македонија како расна крава за молзење, кога треба нешто да добијат устите им се отворени како на крокодили, а кога се работи за безбедноста и иднината на државата, ич не им се слуша, продолжуваат да си го гледаат само и само личниот интерес.

Неразмислувањето кое што се манифестира во однесувањето, во говорите и во ставовите на одредени “народни“ политичари-пратеници, ме ужаснува.

Македонија отсекогаш патела од предавници, продадени души но, ова веќе ја преминува секоја граница. Зарем не се освестија? А што е уште полошо да прашам, зарем не се освестивме ние?

До кога треба да се толерираат оние кои упорно работат на тоа да не` нема, да ни го нарушат достоинството, гордоста и најлошо од се` со своите глупости да ѝ го валкаат името на Македонија.

Оние што тргнале по грешниот пат слободно нека продолжат да се закопуваат се подлабоко во живиот песок наречен пропаст. А за нас, воопшто нека не се тревожат. Народов веќе доволно претрпе сите овие години.

Со падот на комунизмот, Македонската дијаспора одигра значајна улога не само во осамостојувањето и развојот на демократијата во Македонија, туку и во нејзиното признавање.

Македонската дијаспора во Австралија, Европа, САД и Канада, има нова историска шанса да ѝ помогне на својата матична држава.

Македонците во Дијаспората мора да останат како буден стражар и да продолжат да го бранат АМАНЕТОТ и да не дозволат светото Македонско име да го валкаат платени предавници, кариеристи и секакви опортунисти и шарлатани.

Во одбрана на националното разнебитување на Македонија го повикувам секое македонско чедо во Македонија и дијаспората да застанат простум во одбрана на името на Македонија и нејзината иднина.

Дијаспората е многу активна, убаво е што си ја имаме. Си велам, Господ сака да не` собере сите Македонци, ете време е да застанеме сите еден до друг братски и да ја зачуваме нашата Македонија.

Браќа и сестри Македонци во дијаспората, ВИЕ ја создадовте и од првиот ден застанавте зад ВМРО-ДПМНЕ и самостојна Македонија и до денес ѝ ја давате неизмерната и безусловна поддршка.

Свесни дека се дават во сопствените лаги и недела, Заев и компанија се фаќаат за сламка и се обидуваат на секаков можен начин да направат раздор во опозициската ВМРО-ДПМНЕ во пресрет на настаните кои следуваат.

Единствено ВМРО-ДПМНЕ претставува пречка во распродажбата на националните интереси на државата и го крева гласот во одбрана на татковината, додека предавници, плитки и проклети умови решаваат за неговата иднина!

ВМРО-ДПМНЕ е партија со огромен потенцијал, која ќе го најде излезот од соостојбата во која е втурната Македонија и ќе ги одбрани интересите на македонскиот народ.

Во тоа нема да ја спречат ни поголеми сили, а не некакви маргинални и платени политичарчиња.Затоа што ВМРО значи борба, во минатото, сегашноста и иднината.

Македонци! Вие сте чеда на Македонија, во вас тече македонска крв, како вистински Македонци да застанеме во одбрана на својата прадедовска земја и да им го покажеме патот на сите интриганти што шират омраза и поделби меѓу браќата.

Да ја отпочнеме битката на чело со ВМРО-ДПМНЕ и претседателот Христијан Мицкоски и да ја поразиме оваа ненародна власт

Се‘ додека постои ВМРО ќе постои и Македонија! Македонците не забораваат! Македонија вечна!

АМИН!

Манојил (Мане) Јаковлески