И додека копјата се кршат околу воведувањето на Кирилицата во Вуковар, со огромни симпатии двајцата хрватски претседатели – актуелниот д-р Иво Јосиповиќ и поранешниот Стјепан Месиќ, ја примија веста дека во Вуковар се учи македонската Кирилица. Имено, со делегацијата на „Нова Македонија“ (дописникот на „Нова Македонија“ од Хрватска и главниот уредник), во традиционална посета кај хрватските претседатели беше и уредничката на „Македонски глас“, Милена Георгиевска. Таа, Јосиповиќ и Месиќ ги запозна дека во Вуковар од оваа учебна година како изборен предмет во основното образование е воведен и македонскиот јазик, како и дека наставата ја посетуваат триесет ученици.

Минатиот петок, 12 април, во Сиднеј на свечен начин се одбележа 35 годишницата од постоењето на Литературното друштво „Григор Прличев“ од Сиднеј, Австралија. На свечаноста присуствуваа стотина членови како од Сиднеј така и од поближните градови кои имаа можност да се присетат за почетоците од формирањето и безбројните активности со кои Друштвото се постави на пиедестал како поборник за македонскиот јазик, литература и култура во Австралија.

Во Вашингтон вчера (13 април)  заврши македонската лидерска конференција на која учествуваа водечки претставници на македонската заедница во САД и Канада.

Во очи на третиот јубилеј од „Македонскиот месец на културата“ во Канада, Владата на Онтарио се заблагодари за значајното присуство на Македонија и македонската култура во културното живеење на Провинцијата. На официјалната средба Македонскиот амбасадор Тевдовски ја покани Премиерката на Онтарио Кејтлин Вин на Премиерата на македонскиот филм „Трето полувреме“ во Торонто, а Министерот за култура Мајкл Чен презеде обврска да ја промовира македонската култура на повеќе културни збиднувања во провинцијата.

На 09.04.2013 (вторник) во 19:00 часот во “Мала црна галерија“ во Љубљана, Словенија ќе се отвори изложбата на делата од најновиот циклус „Другост“ на реномираната ликовна авторка Тања Балаќ, која е и долгогодишен носител на функцијата претседател на ДЛУМ. Балаќ ќе се претстави пред љубљанската публика со сосема нов и различен приод, каде што експериментира со фотогафија како медиум.

Гордана Димовска

Артефакти на вонземјани пронајдени во гробот на Александар Македонски

Информациите од Северна Америка ја заинтригираа светската јавност како никогаш досега. Како што е познато пронаоѓањето на артефакти креира повеќе прашања отколку што дава одговори.  Хари Хабард излегува со теза за пронајдени артефакти на вонземајни и тоа во “изгубениот гроб на Александар Македонски“.

За она што го претставува вели дека е дел од античката историја кој долго време е игнориран и изгубен а се потпира на класични извори. Тој смета дека пронајдените артефакти се важно поглавје и за историјата на Северна Америка. За првпат во јавноста се презентирани стотици антички артефакти на вонземјани, животни, птици а спрема презентерот на видео материјалот, пронајдени се во  изгубениот гроб на Александар Македонски. Сето ова се базира на пронајдените плочки во пештерите во Илинои, Северна Америка.

Сите овие податоци се документирани и за нив направени голем број видеа и фотографии. А како се откриени овие вредни артефакти? Во пролетта 1925 година, , Орвил Лори (жител на локалното населено место) со неговите две ќерки одстранувал камења и некои остатоци од местото определено за градина. Неговата шестгодишна ќерка, Ферн, случајно заприметила дупка на голем камен и го повикала татко и да провери. Од тој ден, Орвил предано работел на тоа да доведе професионални истражувачи и да го испитаат теренот. Во почетокот наишол на одбивност и неверување дека нешто античко постои во Илинои. Фрустриран од незаинтересираноста за пронајдокот, тој го продава својот имот и се сели во планината Вернон. Единствено што успеал било да објави натпис во локално списание. И се било тивко се до 1961 година кога еден угледен писател, Пол Хенсан прочитал за артефактите во списанието Салем. Така тој започнал да објавува натписи во продолженија а многу други го копирале и искривувале неговиот труд. Артефактите се официјално откриени дури во  1994-1995 година, и за нив се објавило во 1998 година. Видеото е снимено во Чикаго на Конференцијата на Довсер асоцијацијата. Приказната е нешто повеќе од самиот наслов и започнува со раскажување за вселенски брод а потоа за модерната наука за диносаурусите, податоци за подземјето и античката историја. Информациите за античката историја не се досега најдени во ниту еден англиски текст.

Тука се истакнуваат паралелите меѓу Стариот свет и Новиот свет, контактите со вонземјаните од пред 2000 години и се придржува кон одредени теми на прецизно опишани податоци на средновековни  гравури.

Пронајдени се вкупно 275 од кои 95% се означени, испишани на задната страна од нив. На најдолниот десен агол на изгравираната човечка глава било испишано името Хелиос. Пронајдени се  4 обрачи, 29 монети. 3 фалкони, 6 тркалезни медаљони на слон ,9 мали четвртасти и 2 триаголни парчиња и многу други значајни артефакти. Многумина се прашуваат како е можно гробот на Александар Македонски , најголемиот војсководец, двигател на светот, да се најде во Северна Америка. Во видето се вели дека гробот на Александар бил пренесен во Северна Америка од страна на Александар Хелиос, син на кралицата Клеопатра.Предавачот Хари Хабард е убеден дека во ова видео ништо не е измислено, напротив, зборува за значајни податоци на кои никој не може да му противречи.

Толку од Америка, британскиот историчар Ендру Чаг пак излегува со друга теорија според која Александар Македонски се наоѓа во Венеција. Тој смета дека во гробот на евангелистот Свети Марко во Венеција се наоѓаат посмртните останки на нашиот војсководец Александар.

Оваа негова теорија го дели академскиот свет и предизвикува бес меѓу побожните католици кои сакаат да направат генетско тестирање на останките за да се докаже неговата теорија.

Според историските податоци Александар умира на 32 годишна возраст и е погребан во египетскиот град Александрија кој е основан од него. Сепак од четвртиот век пред н.е, тој исчезнува. Г-динот Чаг е автор на неколку книги за Александар и верува дека телото на Александар било преправено како да е Свети Марко, со цел да се заштити од уништување на христијанското востание. Тој вели: “двете тела се мумифицирани во ленени платна и кога едното тело изчезнува, во исто време се појавува другото – во речиси исто време и исто место, на крстосницата на Александрија. Постои голема можност да некој во црковната хиреархија го смислил планот да остатоците на Александар се прикажат како да се оние на Свети Марко. Ако е ова точно тогаш тоа се останките на Александар кои беа украдени од страна на венецијански трговци и однесени во нивниот роден град, четири века подоцна. А три рано христијански извори тврдат дека телото на Свети Марко е изгорено веднаш по неговата смрт.

Оваа теорија на историчарот Чаг е елаборирана во книгата “Изгубениот гроб на Александар Македонски“, (The Lost Tomb of Alexander the Great). Грчкиот професор по историја на Кембриџ, Пол Картлиџ, (Paul Cartledge) вели: “постои можност ова да е вистина, бидејќи навистина постои празнина во историјата која треба да се дополни. Сите ние сакаме да дознаеме зошто овој случај се занемари кон крајот на 4-тиот век. Во овој случај, христијанството триумфира и никој нема глас да каже каде е погребан овој историски херој."

Биографот Пол Доерти изјавува: “Александар беше божествен лик, и ќе дојдеме до неговото тело преку днк тестови и со тоа ќе изнајдеме зошто толку брзо умре. Останките на неговиот татко се пронајдени во Грчка Македонија во 1970 година, па спрема тоа не постои пречка да не го најдеме и Александар. Тој е таму некаде, најверојатно во Александрија.“

И покрај напредокот во науката на истражување и континуирани ископувања, тајната за гробот на Александар претставува најголем предизвик и речиси невозможна мисија за археолозите.  Од сето ова може да се увиди дека Александар Македонски, најславниот војсководец на сите времиња, секогаш одново ја пробудува светската јавност, и не престанува да ја импресионира човековата имагинација. И покрај изнесените странски теории за тоа каде е неговиот гроб, најреално е да кажеме и веруваме дека тој се наоѓа на македонска територија.

Обединетата македонска дијаспора (ОМД) со задоволство го објавува официјалниот вебсајт за четврта годишна глобална конференција (ОМД GC2013) која ќе се одржи од 24 јули - 2 Август, 2013 година во нашата татковина – Македонија.

На 22 нарт Литературното друштво „Григор Прличев“ од Сиднеј во прекрасната просторија на Civic Theatre во Хрствил, предградие на Сиднеј, ја промовира дебитанстската збирка поезија „Од по жица“ од Жаклина Михајлова, позната во македонската заедница како Жаклина Михајлова - Учителката. На промоцијата присуствуваа повеќе од 150 љубители на поетската реч.

Во функција на престојниот Втор Конгрес на партијата, Македонска алијанса за европска интеграција, МАЕИ, продолжува со  изборот на органите и телата на Општинските комитети. По Подградец и Елбасан се одржаа изборни конференции во Мала Преспа и Голо Брдо.

Во една од најбројно населените населби со Македонци во Рогдаел, Сиднеј, група ентузијасти предводени од полетниот доселеник Душан Ристески решиле да формираат Македонско литературно друштво во кое ќе ги искажуваат своите стремежи за ширење и негување на македонскиот литературен јазик на ова далечно светско поднебје. Тоа се случило на 31 март 1978 година.