По повод 25 години активно членство и соработка, Сојузот на германски писатели му ја доделуваа оваа ПОЧЕСНА ПОВЕЛБА на писателот Саво Костадиновски, во знак на благодарност и признание за досегашната меѓусебна соработка.

Писателот Саво Костадиновски половина век живее во Германија, земја која со право ја смета за негова втора јазична татковина, па како дводомен автор пишува на македонски и на германски јазик. Овде, во оваа земја, тој се оформи, се издигна како добар автор, лиричар. За тоа сведочат неговите објавени дела: „Литературно ателје“ од Бон, романот „Трите века“, збирките раскази „Роден крај со срце“ и „Бисера и Филип“, како и неговите бројни книги со поезија за возрасни објавени двојазично, на македонски и на германски јазик, во Македонија.

Сето ова сведочи за тоа колкава е неговата поврзаност со родната татковина и со татковината во која тој сега живее. Еден живот во две средини не е едноставно да се живее, но на многумина писатели таков живот им годи за да живеат уметнички, инспиративно, црпејќи од различни теми. Резултатот е тоа што на почетокот од оваа 2018 година писателот Саво Костадиновски објави еден том збирка со поезија за млади и возрасни со вкупно 81 збирка. Со објавувањето на овој том, тој се вброи во најпродуктивните автори со објавени над 100 книги со поезија и проза за млади и за возрасни.

Неговата долгогодишна соработка со Сојузот на германски писатели преку промоции на книгите, преку средбите и разговорите, читањата, настапите на разни други пригоди, послужи да се зближат нашите две култури, македонската и германската, и токму поради тоа ние, Германците, го сметаме за вистински Амбасадор на пишаниот збор меѓу Македонија и Германија. Освен ова, писателот Саво Костадиновски е носител и на други награди и признанија кои му се доделени и во Македонија и во Германија.

Превод : Тереза Ројб

Лектор:  Дијана Петровска

БЕЛЕШКА ЗА ПИСАТЕЛОТ САВО КОСТАДИНОВСКИ

Саво Костадиновски e мaкeдонски и германски поет, раскажувач,patopisec,писател за деца и возрасни, прepejuвач. Роден на 30 мај 1950 год. во село g.Ботуше – Македонски Брод, Maкeдонија. По катастрофалниот земјотрес во 1963 год. во Скопје, живее надвор од границите на Македонија. Во 1971 се доселува во Германија. Вишо техничко училиште завршил во Келн, во градот каде што од 1973 год. постојано живее. Како дводомен автор пишува лирика и проза за деца и за возрасни на македонски и на германски јазик. За неговите книжевни дела е наградуван и преведуван на повеќе јазици. Застапен е во избори, лексикони, антологии во Македонија и во Германија. Активен член е на Друштвото на писателите на Македонија и на Сојузот на германските писатели.