ИЛИНДЕН Е НАШ, ДЕЛЧЕВ Е НАШ

Прослава одржана под мотото ИЛИНДЕН Е НАШ, ДЕЛЧЕВ Е НАШ

ДОСТОИНСТВЕНА КУЛТУРНА МАНИФЕСТАЦИЈА НА M.A.C.O  ПО ПОВОД ИЛИНДЕН

Во низата на празнувања за големиот национален и верски празник Илинден беше и културната манифестација организирана од страна на Македонската организација на Заедницата во Викторија, Австралија. Манифестацијата се одржа во Sheldon receptions, под мотото “ Илинден е наш, Делчев е наш” на која достоинствено се оддаде почит на загинатите Илинденци и борци во сите борби против фашистичкиот режи, кон сите оние кои ги дадоја своите животи за слободата на Македонија.

Суштинско прашање кое извира од душата на секој Македонец е зошто толку неправди надвиснале над Македонија, зошто постојано земјата запаѓа во криза и опасност од губење територии, име, јазик, историја? Одржувањето на македонскиот дух каде и да се наоѓа игра голема улога во себедефинирањето и напредокот во општеството каде живее. Затоа за поздравување се напорите на сите Македонци каде и да се, дејствуваат и работаат во интерес на Македонија и македонскиот идентитет.

Македонската организација има голем број настани во Австралија кои ги одржува и каде се истакнува убавината на македонските белези, македонскиот јазик, култура, традиција.

Оваа манифестација ги надмина сите очекувања по својот концепт да се означи и испочитува македонскиот национален празник Илинден.

Водител на програмата беше Зоран Димовски, долгогодишен активист во македонската заедница во Викторија.

Почесни гости беа Розета Стојковска (адвокат) и Натали Сулејман од викторискиот парламент која со голема почит ги следи активностите на македонската заедница и упати честитки за македонската организација и Лидија Нешковска за огромниот труд кои го вложуваат за нивна реализација и прифаќање во мултикултурното општество.

Од говорницата се огласија Лидија Нешковска, Гордана Димовска со говор за значењето на Илинден, Сашка Ставрески (За Гоце Делчев)

И за тоа дека најубав начин на прослава нема без традиција  и фолклор го докажаа играорците од ансамблот Тоше и културно уметничкото друштво Јане Сандански. Никола Зацески импресионира со кореографската постановка Драчевка, изведбата на химната Денес над Македонија се раѓа, Кога падна од Пирина и други македонски патриотски песни.

Во забавниот дел учествуваше и Татијана Лазаревска и Express band.

Татијана и Клаудија Гроздановски настапија со рецитал Од срцата на комитите и За Илинден.

Честитки за сите кои допринесоа на свој начин да се одржи оваа манифестација и потпомагаат во напорите да се одржува македонската заедница и да напредува уште повеќе во иднина.

Македонска нација