МАКЕДОНСКА ГОРАНСКА ЗАЕДНИЦА НА КОСОВО

7 мај 2013 година, Драгаш, Косово - Во организација на Македонската Горанска заедница на Косово, а во соработка со Сојузот на Македонците со исламска религија и Горанското друштво, на 11 мај (сабота) 2013 година со почеток во 13.00 часот, во с. Брод, Косово, ќе се одржи Четвртиот ревијален Македонски фолклорен фестивал „ГОРА ФЕСТ 2013“.

Фестивалот е од национален интерес во културата од областа на меѓународната соработка за 2013 година, со цел културна афирмација на македонскиот народ и заштитата на духовното и културно наследство и афирмација на Македонската заедница на Косово.

На фестивалот ќе бидат изведени македонски народни песни и ора од сите делови на Македонија, а учесниците се од Косово, Македонија, Албанија, Грција, Бугарија и Турција.

Одржувањето на фестивалот е во чест на одбележувањето на годишнината од формирањето и регистрацијата на македонската Горанска заедница на Косово во 2007 година и отворањето на канцеларијата во Брод на 10 мај 2008 година.

Добредојдени се сите, поканети се посебно новинарите заради известување на јавноста од овој значаен традиционален годишен настан за Македонците на Косово.