Познато ни е на сите нас дека злосреќната наша земја Македонија поради причини за егоистички цели од страна на големите сили и` е оставена пак на Турција по Берлинскиот конгрес. Во резултат на тоа дојде во одделните области на нашата татковина до многу крвави сцени познати на секого. Во желба да го отфрлиме од нашата татковина турскиот јарем, секој од нас, кој колку може станавме да се жртвуваме, бидејќи од секого од нас е нужна помош. Ние востанавме како поборници на слободата. Со нашата крв што ја пролеавме низ полињата и горите македонски ние служиме, како македонската војска на Александар Македонски, за слободата со нашата девиза: „Слобода или смрт“!

Воени правила на македонската војска

11. Секој доброволец востаник и арамија од секаква христијанска и друга народност се прима, но тој е должен најнапред да положи клетва на верност и покорност на Главната востаничка управа, па потоа ќе се запишува во бројот на востаниците.

Граѓанска управа

140. Во востаничките ослободени места се воведува привремена граѓанска управа, која ќе го управува општествениот живот на населението, а ќе се состои од највидните луѓе избрани од народот.

Надворешни задолженија на Востанието

182. Македонското востание е внатрешно, но тоа не може да успее ако не ја убедиме Европа во нашата ослободителна борба. Востанието пред европските држави ќе го претставува македонскиот востанички комитет и луѓе што ќе ги определи надвор од Македонија.

„Последната посета дури ме уплаши со претерано строгата оценка што не одговара на вистината, но е речена со гнев, дека бугарскиот режим не се разликува со ништо од српскиот, се протестира против дојденото чиновништво, се истакнува дека Бугарите од старите предели не ги сакаат Македонците, дека големиот дел од чиновништвото е корумпиран итн. Но, над се` стои тажниот спомен на тепачките“ – пишува инспекторот на Битолската област Коста Црнушанов во својот Доверлив извештај до Министерството на просвета на Бугарија од 18 февруари 1942 година.

МОЛБА ОД ДИМИТРИЈЕ АЛЕКСИЈЕВИЌ ДО МИНИСТЕРОТ ЗА ПРОСВЕТА И ВЕРА ДА ОДОБРИ ИЗДАВАЊЕ НА ЧАСОПИС “ВАРДАР” КОЈ ЌЕ ГИ БРАНИ СРПСКИТЕ ИНТЕРЕСИ ВО МАКЕДОНИЈА И СТАРА СРБИЈА

Договорено беше вчера утрото една личност во служба на војводата во Савоја, дојдена од Албанија и Македонија, а беше пристигнала во куќата на еден свој роднина во околината на овој град - веднаш да замине  на пат за Турино... Тој ми ја раскажа причината што минатата година го довела во служба на ова Височество и ми кажа дека од него бил испратен, заедно со двајца други од неговиот двор, во кралството Македонија и Ал-банија за да утврдат, со кои старешини од споменатите кралства, начинот и времето на оддавање на верност на Шпанија”.

До лани празнувањето на Благовест како годишнина на грчкото востание и ослободување се состоеше обично во воена парада и црквени и дворски свечености;...бидејќи на спомените за ослободувањето на Елада им се придружија спомените за сеуште неослободените грчки покраини, во кои после Епир на прво мес-то меѓу нив е Македонија. Македонија сега најмногу ги интересира умовите во Грција, и за тоа што говорат и творат Грците на таа сметка имам чест во ова писмо кратко да Ви из-ложам.

ШТИПСКАТА ОПШТИНА ЈА ИЗНЕСУВА ТЕШКАТА ПОЛОЖБА ПОД ТУРСКИТЕ ВЛАСТИ И БУГАРСКАТА ЕГЗАРХИЈА И РЕШИЛА ДА ГО ПРИМИ КАТОЛИШТВОТО ИЛИ ПРОТЕСТАНСТВОТО

„Минувавме  преку нерамни и кривулести врвици, преку темни долинки и густи шуми. Нашиот чауш неж предупреди дека треба да се оди претпазливо, со оружје в рака, зашто овој премин обично е запоседнат од албанските убијци и разбојници, кои пред некој ден отепале пет кадии со целата нивна придружба. Со милоста божја ние го најдовме патот слободен. Видовме една древна кула и некои урнатини од тврдини издлабени во планината. Слушнавме турски стражи кои со удирање во тапани го обезбедуваа патот на карваните. Оттаму излеговме на една голема рамнина, на чиј почеток, скоро скриен од неколку мали вишинки, се наоѓа Скоп-је, многу голем град, кој според некои е во Бугарија, но по моето мислење, (е) во Македонија, ако се зачуваат старите гра-ници, а се вика Стоби (место Скупи е погрешно употребено Стоби, н.б.), во соседство на Мигдонија. Тука тече реката наречена Вардар.